ازاي اكون Art Director في ٣ شهور بسهوله جدا لو انت سنيور جرافيك ديزاينر ممكن خلال تلات شهور بس تبقي ارت دايركتور من غير اي مجهود .
لو انت صدقت الكلمتين دول لازم تقرا المقالة للاخر عشان اكيد عندك معلومه غلط لازم اصححهالك.
خلال الفتره الاخيره ومع انتشار مجال الجرافيك ديزاين بصوره كبيره وزياده اعداد مصممين الجرافيك.
مصممين كتير للاسف فاكرين ان تغيير الـ Title بتاعهم في السي في او linkedin اسهل حاجه في الدنيا.
ومفيش rules او معلومات حد قالهم عليها ان امتي اقدر اقول علي نفسي بقيت ارت دايركتور .
لازم تبقي عارف الاول job description بتاعت كل واحد فيهم قبل مانتكلم امتي تكون Art Director.
اولا sr graphic designer، وركز في اخر كلمه ، designer.
هو راجل محترف جدا انه يطلع visual شكله كويس وقادر انه يشتغل علي campaign تحت اشراف الارت دايركتور .
عارف tools الي بيشتغل بيها كويس وقادر انه ينقل المعلومات الي هو عارفها للـ juniors ويطورهم.
لسه بيطور من نفسه اكتر في جزئيه الـ direction والـ presentation للشغل الي هو بيقدمه وخلافه.
بـ report للارت دايركتور المسئول عنه او المسئول عن البروجكت الي هو شغال عليه.
تعالي نروح للـ Art director، وركز برضو في اخر كلمه ، Director .
شاطر جدا في جزئيه الارت بيعرف يلاقي افكار جديده يخدم بيها بيزنس الـ client والـ brief الي بيجيله.
بيعرف يقدم بريف واضح للـ senior يقدر يطلع منه شغل كويس ، بيعرف يلاقي اخطاء الـ senior ويصححها وينصحه ازاي يتفاداها بعد كدا.
عنده فكره عن اكتر من تخصص ويقدر يكون leader لتيم زي الديزاينرز طبعا و الموشن والاليستروز علي سبيل المثال.
المفروض قابل كل المشاكل الي عدا عليها السنيور وعرف حلولها ايه ، بحيث انه يقدر يقدم الحلول الي مره بيها دي للسنيور لما تقابله مشاكل.
قادر انه يبقي leader ويطور الفريق الي تحتيه ويوجههم دايما انهم يكونو اقوي من ناحيه الارت ومفيش مانع انه ينمي عندهم جزئيه الـ leadership.
زي ماتقول كدا يشربهم من طريقه الـ management بتاعته عشان تفيدهم في المستقبل.
فيه تفاصيل اكتر من كدا بس دي نبذه سريعه عن كل واحد بيعمل ايه عشان الكلام الي جاي يبقي سهل عليك .
مش مجرد انك عملت visual كويس انتشر انتشار كبير او عدد الفيوز بتاعك زاد علي behance فتقرر بعدها انك بقيت ارت دايركتور .
مفيش حاجه غير تطور شخصيتك وتطورك في اداره شغلك وانك تقدر تليد تيم دا الي يخليك تقرر
مفيش فتره محدده تخليك تغير التايتل بتاعك بالذات في مجالنا.
انت مش بتشتغل وظيفه علي مكتب بورقه وقلم في مؤسسه عشان تقول انا كملت سنه المفروض اترقى مهاراتك وتطورك لنفسك هو الي يقرر.
كلمه دايركتور بتنقلك من level الى level اكبر مش بالسهوله الي انت فاكرها,
بس مش صعبه لو انت اشتغلت علي نفسك وطورت نفسك بشكل صحيح.
هتتعب جدا لو بتفكر في title يكبر من غير مهارات.
بالذات انك لو اشتغلت في agency او شركه كبيره واكتشفو انك متستحقش title دا وهتلاقي نفسك رجعت لنقطه الصفر.
متستعجلش وادي لكل حاجه حقها واتاكد انك مناسب في title بتاعك.
دا كان موضوعنا عن ازاي اكون Art Director في ٣ شهور.
