ازاي تحدد سعر شغلك
قبل ماندخل في تفاصيل ازاي تحدد سعر شغلك هشارك معاكم مثال لاتنين مصممين كل واحد بيكسب تقريباً ٦٠٠٠ دولار شهرياً.
والاتنين تقريباً نفس الـ skills ونوعيه شغلهم زي بعض، وبالرغم من دا في فرق كبير ما بين الاتنين، ايه هو ؟.
- اول واحد بيشتغل اكتر من ٦٠ ساعه في الاسبوع.
- تاني واحد بيشتغل من ٢٠ لـ ٢٥ ساعه في الاسبوع.
الاتنين متشابهين لكن في واحد منهم بيشتغل اكتر من التاني، ايه سبب دا وبيحصل ازاي ؟
الفرق في التسعير
طريقه التسعير نفسها مختلفه عن الشخص الاول والتاني.
التسعير ليه اكتر من استراتيجيه عشان تعرف ازاي تحدد سعر شغلك ، الموضوع لازم يكون اساسيات بالنسبالك عشان متظلمش نفسك .
فيه اختيارين بالنسبالك تقدر تسعر بيهم شغلك، اول طريقه هي:
١- الحساب بالساعه.
٢- الحساب بالـ project.
طيب ما الاتنين هيجبولي نفس الفلوس في الاخر وهشتغل فيهم بنفس السعر ايه المشكله ؟
مظبوط لكن هنا الي عليك انك تظبط النسبه والتناسب مابين شغلك وما بين مجهودك ووقتك.
مثال المصمم الاولاني الي بيشتغل ٦٠ ساعه في الاسبوع غلط ان الـ project حجمه كبير واختار انه يتحاسب عليه بالـ project مش بالساعه.
بالتالي الـ. client طلب تعديلات كتير واخد واستهلك وقت ومجهود اكتر.
لكن المصمم التاني وظف اختيار الحساب بالساعه في نفس الـ project بالتالي الـ client بقى هو الي متقيد بحجم التعديلات وعدد ساعات الشغل وعارف انه كل مايطلب ويشغلك اكتر هيدفع اكتر.
مينفعش توظف الحساب بالساعه في شغل انت هتعمله هياخد منك نص ساعه.
ومش بنفضل انك توظف الحساب بالـ project في شغل هياخد منك شهرين.
مش فاهم حاجه ؟
خلينا نتكلم عن الحساب بالساعه الاول وهو مش مفضل في الـ projects الصغيره لانه هيظلمك، ليه ؟.
نظريه الحساب بالساعه بيبقى فيها خضه للـ client ، يعني انت مينفعش تقول للـ client انا سعر الساعه بالنسبالي ١٥٠ دولار.
والبروجكت دا هسلمه بعد ٢٠ ساعه هيجيي يحسبها هيلاقي نفسه هيدفع ٣٠٠٠ دولار.
هنا هدخل نفسك في حورات هتسبب ان الـ project دا يضيع منك ف الاخر ايه هي :.
١- انت هتفضل تزود في سعر الساعه بتاعتك وعدد ساعات الشغل عشان توصل للسعر الي انت عايزه.
وفي الاخر سعر الساعه الـ client هيروح يقارنه بسعر ساعه تانيه هيلاقيه اكتر ف هيسيبك ويمشي.
٢- هتوصل في الاخر انه هيفضل يفاصل معاك وهتلاقي نفسك بتنزل في سعر الساعه بتاعتك وهياخد وقت اكتر من الي انت محدده.
٣- كل واحد عنده عدد ساعات محدده في اليوم بيكون فاضي فيها بيقدر ينفس فيه شغله الخاص.
متقدرش تفضل تزود في عدد الساعات دي عشان توصل للسعر الي عايزه وانت في الاخر مش هتكون فاضي.
من منظور تاني انك لو بتتحاسب بالـ project ممكن تعمله في ساعتين وسعره 500 دولار.
لكن لو هتتحاسب بالساعه ساعتها هتكون سعر الساعه 250 دولار ودي حاجه وسعر مش سهل توصله.
نظريه ومعلومه تانيه بتقولك بلاش تذكر عدد الساعات بتاعتك اصلا لو الـ project صغير.
لو هتقول للـ. Client انت هتعمل design وهتقوله العرض بالاسلوبين دول:.
١- الـ design هيتكلف ١٠٠ دولار .
٢- الـ design هياخد ساعه تقريبا وهيتكلف 150 دولار.
اكيد الي هيهمه والي هيختاره هو الاختيار الاولاني، الموضوع والدافع هنا هو نفسي بحت.
بالرغم ان الاتنين نففي السعر ، لكن الفرق في الاختيار التاني ان الـ client عرف ان مده تنفيذ التصميم دا قليله بالنسباله.
وبالتالي مش هياخد مده كبيره منك هيفتكره سهل، لكن الاختيار الاول معلومه مده التنفيد متجاهله بالنسباله.
فبالتالي انت اديت فرصه لنفسك يوم كامل انك تنفذه اكيد هيبقا فيه فرق في تقبل السعر والمفهوم بالنسبه للـ client مختلفه.
امتى تضطر تتحاسب بالساعه ؟
في اوقات بنرجح فيها انك تتحاسب بالساعه وبيكون دا احسن زي المشاريع الكبيره.
الي انت مش ضامن فيها هتاخد معاك وقت قد ايه او ايه كميه التعديلات الي ممكن تيجيلك.
بمعنى ان لو فيه تصميم موقع مثلا هتشتغل عليه وواضح انه هيبقا مليان رغي.
كتير وهياكل من وقتك اكتر ومش ضامن كميه التعديلات الي هتجكيلك.
ساعتها هتأمن نفسك وهتطلب انك تتحاسب بالساعه لانها هتكون افضل ليك.
سبب انه هيكون افضل لانك هبيعه بطريقه اسهل ليك ودا شبه نظريه في التسويق ( كميه كبيره بسعر قليل ).
بمعنى انك هتقول انا الساعه بـ ٣٠ دولار ، اه السعر هيكون قليل ممكن للـ client ودا الي هيخليه يوافق.
بس انت واقعياً الشغل دا هياخد منك ٤ ساعات يوميا لمده شهر يعني ١٢٠ ساعه = ٣٦٠٠ دولار.
سعر الـ project
خلينا نتفق ان مفيش اي قواعد والا طريقه واحده هي الي بتقدر تحدد بيها سعرك.
لكن فيه شويه معايير هي الي تقدر من خلالها انك تحط سعر مناسب :
١- الـ client عاجبك والا لا ؟
السؤال سخيف ، لكن لما نتكلم فيه هتعرف انه من اهم المعايير الي بتحدد على اساسها السعر.
هل الـ field بتاع الـ client دا هتستمع وانت شغال عليه والا هيكون حاجه تخنقك وانت شغال عليها.
لازم تعرف تترجم شخصيه الـ client مع اول مقابله او مكالمه وتبقى فاهم هل هيطلع عينك في التعديلات والشغل والا الراجل باين عليه انه بيفهم ومش هيتعبك.
٢- حجم الـ. client وتوقعاتك؟
هتبقى حاجه صعبه الى حداً ما، بس خلينا نقول ان فيه حاجات هتكون واضحه منها حجم الـ Client.
هتحتاج قبل ماتدي سعر تلف لفه في السوشيال ميديا بتاعته وتذاكره عشان تعرف حجمه ايه.
لان اكيد تحديدك او توقعاتك للـ budget بتاعت الـ client هتختلف على حسب حجمه واسمه.
٣- الاسئله الي محتاج تسألها للـ Client ؟
عشان يبان الموضوع معاك واضح اكتر محتاج تحط كذا اجابه قدامك عشان تسهل عليك الموضوع اكتر:
- هل فيه ميزانيه محدده للـ. proejct دا ؟
الموضوع هيريحك وهينجز معاك شويه وهتعرف من الاخر الـ budget بتاعت الراجل دا قد ايه .
لكن متتوقعش دايماً اجابه لان مش كل الناس بتجاوب بسهوله على السؤال دا وبيسيبك انت تجاوب.
طيب ولو سأل ؟
متردش عليه في نفس الوقت والصح انك تقوله انا هبعتلك الـ quotation بتاعي على الايميل، لان الاستعجال والرد السريع هيسببلك تردد وممكن تقول سعر ترجع تندم عليه.
ايه القيمة الي انت هتعملها للـ Client ؟
لازم تقيس قيمة الحاجه الي انت هتعملها للـ Client وتصنفها ما بين ( ضعيفه – متوسطه – كبيره ).
مثال :.
لو هتعمل rebranding لـ client كبير ودا هيكون سبب في انه ينقله نقله تانيه على السوشيال ميديا او على ارض الواقع .
لازم تبقى بتحسب قيمة شغلك من حيث رد القيمة، ان الشغل الي انت هتعمله للـ client دا هو هيترد ليهم نتيجه شغلك الضعف ( انت مش بتحسدهم اكيد بس بتقدر شغلك صح عشان متظلمش نفسك 😀 ).
مفيش صيغة
زي مانت شوفت المعايير الي اتكلمنا فوق هي غير ملموسه ومش نقط ثابته ، هي معايير هتحتاج انك تعرفها وتقيسها بنفسك بقرايه شخصيه والتعامل مع الـ client ودا بيجي مع الخبره والتجارب.
حاول دايماً تحط شروطك بالذات في الحساب بالـ project ، خلي ليك عدد تعديلات محدد وتسليم options بعدد محدد .
وفي النهاية متنساش دايماً تطور من مهاراتك، وتنوع منها، هي دي الطريقة الي هتعرف تعلي بيها سعرك او انك تبيع project كامل وتقدم خدمات مختلفه.
ودا كان موضوعنا عن ازاي تحدد سعر شغلك
