ازاي تعدل على After effects template
الافترافيكت هو برنامج متخصص في عمل وتعديل الفيديو
واضافه المؤثرات وتصميم الرسوم المتحركه، اغلب الموشن ديزاينر
المحترفين بيعتمدو عليه في انتاج شغلهم.
ازاي تعدل على After effects template
ناس كتير بتوفر وقتها انها تدور علي تمبلت تكون اقرب حاجه للفيديو الي هي عايزه تعمله وتعدل عليها بما يناسب شغلها .
لو مش عارف تعدل ازاي علي التمبلت، هنحاول نوصلك هنا بسهوله على قد مانقدر.
طبعاًً مش محتاجين نقولك قبل اي حاجه انك لازم يكون عنده برنامج Adobe After Effects.
ازاي اقدر استخدم الافترافيكت تمبلت ؟
تمبلت الافتر افيكت هو فولدر بيكون متكون من اكتر من ملف. منهم ملف التمبلت الاساسي الي تقدر تعدل عليه وتضيف عليه الي يناسبك.
غالباً التمبلت دي بتكون مصممين محترفين او شركات هي الي بتصممها وبتعرضها بشكل مجاني.
التمبلت مفيدة جداً ليك عشان توفر عليك انك تعمل فيديو شكله احترافي، اياً كان التمبلت دي هتكون اضافه للوجو الي في الفيديو بتاعك او انترو او تعرض العناوين بشكل لطيف وغيره …
نظم ملفاتك
قبل اي حاجه لازم تكون عارف ان مجررد ماتقرر تفتح ملف افترافيكت بيفضل يدور علي كل ملف وصوره واي حاجه موجوده في التمبلت ويجمعها عشان يقدر يفنح التمبلت. لو ملقاش ملف واحد او صوره هتكون مشكله بالنسبالك.
كل ملف هتستخدمه في الفيديو الي انت هتعمله حاول يكون موجود في فولدر واحد جوا نفس فولدر التمبلت الي انت هتستخدمها. في الاغلب هتلاقي فيه فولدر اسمه footage.
استخدمه كمكان ليك تقدر تضيف فيه ملفاتك واي حاجه هتستخدمها في الفيديو.
ولو ملقتش الفولدر اعمل انت الفولدر وضيف فيه الملفات الي هتستخدمها.
الطريقه دي مهمه عشان متحصلش مشكله لو كل صوره او كل ملف هتستخدمه موجود في مكان مختلف وتنسى مكانه او تمسحه بالغلط وساعتها هتلاقي التمبلت ضربت منك :D.
ساعتها مش هتكون نهايه العالم بس هتضطر تربط كل ملف انت نقلته من مكانه من اول وجديد. وهتضيع وقت على الفاضي.
ازاي اقدر اوصل للفايل الاساسي للتمبلت ؟.
اول حاجه هتفك ضغط ملف التمبلت الي انت حملته Unzip هتلاقي ملفات كتير كل الي هيهمك والي هتفتحه هو .aep ملف هيكون صيغته وبينتهي.
الرسايل الي ممكن تظهرلك وانت بتفتح التمبلت.
اول رساله ممكن تظهرلك هي ان الي الشخص الي عمل التمبلت دا عملها علي اصدار برنامج افترافيكت مختلف غريي الي موجود عندك ممكن يكون اقدم او ممكن يكون اجدد.
او ممكن يكون عملها علي ويندوز وانت بتستخدم ماك ، او العكس.
عادة الموضوع دا مش هيسببلك كارثة وفي الاغلب التمبلت بتشتغل عادي.
لو مشتغلتش هتحتاج انك تنزل نفس الاصدار من البرنامج.
ودا منصحش بيه لان الاسهل هيكون انك تدور علي تمبلت نفس الاصدار للبرنامج الي انت بتستخدمه، او تتاكد قبل ماتنزل التمبلت انها نفس اصدار البرنامج بتاعك.
تاني رساله ممكن تظهرلك وهي ان الفونتات المستخدمه في التمبلت مش موجودة على جهازك لو عايز تستخدم نفس الخطوط الي موجوده في التمبلت هتحتاج تنزلها علي جهازك.
او ممكن تستخدم خطوط بديلة وتكون شبيهة للخطوط الموجودة في التمبلت.
استخدام Project Panel.
مجرد ماتفتح الملف بص بصه علي الشمال فوق هتلاقي فيه ويندو اسمها project panel وهتلاقي فيها تلات انواع من الملفات هما Compositions, and Assets, Folders او comps.
لو جربت تتحرك جوا الفلودرات او الملفات الموجوده في الـ window دي.
هتفهم ان فيها كل محتويات التمبلت من صور وفيديوهات والتكست وغيرهم.
استبدال الملفات.
لو التمبلت الي انت منزلها متنظمه بشكل كويس هيكون حظك حلو لو هو محدد الفولدر الي هتبدل فيه الصور او الملفات في التمبلت To Replace.
لو ملقتش الفولدر دا هتحتاج تلف لفه في الملفات عشان تقدر توصل لكل ملف او صوره تقدر تعدل عليها. في الاغلب هتلاقي Compositions تغيير الصور اسمه Image Holders.
The Main Comp.
للتعديل علي تفاصيل التمبلت اكتر وتقدر تغير الالوان او تحرك اي حاجه من مكانه وغيره. هيكون فيه Compositions في الاغلب بيكون اسمه Main.
ودا بعد ما تدخل عليه هيفتحلك في window الـ timeline وهي موجوده تحت.
هتلاقي اول كام layer فوق لو وقفت عليها بس بالماوس واخترت من نفس الـ window الي كنا واقفين عليها في الخطوه الي فاتت تاب effect controls seeting.
هيكون ظاهر ليك تحكم كامل في الالوان او المؤثرات الي متضافه علي التمبلت الي انت منزلها وتقدر تتحكم فيها.
تعديل التكست.
اكد انك هتحتاج انك تغير الكلام او الخطوط او حتى الوانه.
هتلاقي كل لاير مختصه بالتكست في لوحة Project.
بمجرد اختيار التكست الي عايز تغيره هتقدر تعدل علي الكلام وتغيره او تغير لونه والخط من window – character علي اليمين.
تعديل الاغنيه او الميوزك.
لو شايف الاغنيه او الموسيقى الي موجوده في التمبلت مش مناسبه.
وفي نفس الوقت عايز حاجه تكون free copyrights تقدر تستخدمها بدون مشاكل علي السوشيال ميديا هتقدر تدخل علي youtube audio libirary.
وتختار الي يناسبك وتحمله وتضيفه علي التمبلت بتاعتك بعد حذف الموسيقي القديمه الي مش محتاجها.
مشكلة بطئ التعديل او التمبلت.
لو انت معندكش جهاز مناسب لشغل الجرافيك او الموشن هتقابلك مشكله في التعديل دايما او لما تيجي تعاين الي انت عملته preview.
فيه شويه حلول سهله من ضمنها اننا نغير دقه البرفيو وانت شغال.
دا هيسبب انك تشوف الشغل الي انت بتعمله بجودة اقل.
لكن مش هياثر علي البروجكت وانت بتعمله export اوالاخراج النهائي للفيديو بتاعك.
وبتقدر تعمل كدا عن طريق تغيير الاختيار الي متحدد في الصوره ل quarter.
Export It.
بعد ماتخلص كل التعديلات الي انت محتاجها هتخرج الفيديو النهائي بتاعك من طريق File > Export > Add to Render Queue هيجي بعدها يفتحلك window تقدر من خلالها تظبط اعدادتك.
لو كنت محتاج الملف يكون حجمه صغير هيكون من خلال الضغط على Render Settings عشان تظبط جودة الملف.
ولو دخلت على Output Module هتقدر تتحكم في صيغة الفيديو بتاعك لو اخترت Quicktime هيكون جودته عاليه لكن حجم الملف هيكون كبير وهيكون بصيغه .mov .
اختيار H.264 هيكون الافضل لانه هيكون عالي الجوده بحجم ملف اقل وبصيغه مناسبه اكتر وهي .mp4
اختيار Output to هيخليك تختار اسم الملف هيكون ايه ومكان الملف هيكون فين علي جهازك.
ملحوظة بسيطة : هي ان كل مايكون عندك دراية اكتر ببرنامج after effect .
هيكون اسهل بالنسبالك التعامل مع اي تمبلت والتعدل والتحكم في تفاصيلها هيكون ابسط.
كل تمبلت ممكن تكون مختلفه عن التانيه بحيث طريقه ترتيب الملفات ودا هيحتاج منك وقت شويه عشان تقدر توصل للملفات الي انت محتاجها.
حاولنا في المقالة هنا نوصلك ازاي تعدل على After effects template.
