ازاي تعمل presentation لشغلك

ازاي تعمل presentation لشغلك

اكيد احترت في يوم وانت بتبعت شغلك للـ client هل ابعتله بس صور الـ designs والا محتاج تحطهم في presentation ؟.

هل لما تحط شغلك في presentation الموضوع هيفرق والا زيها زي انك تبعت بس الـ designs ؟.

الاجابه هي ايوه اكيد هيفرق، لازم تبقى عارف انك لو بتبعت شغلك للـ client طريقه عرض شغلك بتفرق بنسبه 50% طب ليه ؟.

الـ presentation زي ما بنقول بتبيع اكتر، بمعنى انك لما تبعتله صور بس ممكن ميقتنعش بالشغل لسبب انه مش فاهم فكره الـ design.

ممكن تكون desginer شاطر جداً كا skills لكن بتستغرب ان الـ client بيرفض شغلك لسبب غير معروف.

خلينا نقول انك لازم متشوفش شغلك بعقليه كا graphic designer.

لازم تشوف شغلك بنظره الـ client، اكيد انت فاهم الـ design الي انت بتعمله بنظرتك لكن متعرف هل هو شايف الـ design بنفس النظره دي والا لا.

وهنا تيجي فايده الـ presentation ان مهمتها بتسهل على الـ client فهم الـ concept والفكره الي ورا الـ design.

لكن في نفس الوقت لازم تكون عارف ان مش معنى انك تعمل presentation لشغلك انك تقلبها لموضوع تعبير ويبقى فيها 100 slide، اكيد لا.

الصياعه هنا انك تعرضها باقل كلام ممكن واقل عدد slides بس توصل المعلومه الي عايز توصلها.

طيب ازاي؟.

الملف:

١- اعمل حسابك ان الـ presentation تكون متجمعه كلها في ملف واحد وبيكون powerpoint او PDF

متحاولش تعمل ملف بصيغه غريبه، عشان لما تبعتهاله يقدر يفتحها بسهوله.

٢- لازم تاخد بالك ان كل صور الـ presentation لازم تكون full screen، دا بيدي منظر الطف واريح للي بيتفرج على الـ presentation.

طريقة العرض:.

الـ presentation الصح لازم يكون ليها

Cover slide و content slide و separator slide و thank you slide.

Cover slide :

هي slide بتكون اول واحده في الـ presentation بتاعتك

وبيكون فيها لوجو الـ client وممكن يكون فيها عنوان الـ presentation الي غالباً بيكون اسم الـ campaign الي انت عاملها .

وطبعا اللوجو بتاعك و url للسوشيال ميديا بتاعتك او url الويب سايت بتاعك.

ويكون كويس لو فيها رقم تليفونك والايميل طبعا البيانات بتعتك بتكون بخط صغير وفي مكان مناسب، متحطش رقم تليفونك اكبر من لوجو الـ client.

Content slide :

وهي المحتوى بتاعك الي بيكون فيه الـ desgins الي انت عملتها ووصف كل تصميم من فكره او غيره.

Separator slide :

هي بتكون عباره عن الفواصل ما بين كل محتوى والتاني.

See also

الجرافيك ديزاينحمل ببلاشفلوسجيتال

تشتري ايه كمصمم جرافيك في Cyber Monday ؟

مثلاً لو فيه اكتر من فكره campaign محتاج تفصل ما بينهم بـ title ، وبيكون موجود في الـ slide دي.

Thank you slide :

في الاغلب بتكون نفس محتوى الـ cover بس بتزود عليها Thank you وبتكون هي الاكبر من الباقي.

طريقه عرض المحتوى:

اعرض الـ designs بتاعتك في Mockups.

مثلاً لو انت بتعمل تصميم لـ website ، اعمل Mockps لتصميم الموقع الي انت عامله على computer, iphone, tablet .

بعد كل slide للـ design بتاعك خلي في slide يكون فيها شرح ووصف الفكره بتاعتك جاتلك منين وازاي هي بتخدم الـ client بتاعك.

اهتم جداً بالوصف لان هو الغرض الاساسي من الـ presentation وهو بالنسباله الي هتقدر تبيع بيه فكرتك.

ابعد في الوصف عن المصطلحات بتاعتك كا graphic designer

لان بسهوله الـ client مش هيفهم المصطلحات دي، حاول تتعامل اكنك بتعرض شغلك لاشخاص عاديين مش اشخاص من مجالك.

في النهايه لو انت بتعرض الـ presentation بتاعتك قدام الـ client حاول تكون واثق من نفسك جداً بلاش لخبطه في الكلام لان بيقلل من مستواك قدام الـ client.

حاول تكون مجهز اجابه لكل سؤال متوقع انه ممكن يتسألك، بطريقه ما حاول تدافع عن شغلك في حاله الانتقاد بس بطريقه لطيفه مش بطريقه هجوميه.

دا كان موضوعنا عن ازاي تعمل presentation لشغلك

لو عايز ٤ خطوات سهله تعمل بيها portfolio ادخل هنا