ازاي Freepik يكون مصدر ربح ليك

ازاي Freepik يكون مصدر ربح ليك

معظمنا عارفين موقع Freepik من ضمن المواقع الي بنلجأ ليها عشان ننزل icon او vector وغيره بشكل مجاني او بقابل مادي.

موقع Freepik بدأ سنة ٢٠١٠ والي انشأه اتنين اخوات اسمهم Alejandro و Pablo Blanes وصاحبهم Joaquín Cuenca

لكن هل تعرف ان ممكن تستغل الموقع انه يكون مصدر ربح ليك ؟

قليل يعرف انك ممكن من خلال الموقع تستغل موهبتك كـ graphic designer انه يكون مصدر ربح ليك، طيب ايه هي الطريقه الي اقدر بيها اكسب فلوس من خلال الموقع ؟.

هنقولك علي المعلومات الي قدرنا نوفرهالك وانت وعلى حسب موهبتك الي تقدر تستغلها لعرض شغلك للتحميل بمقابل مادي منها :.

لو كنت graphic designer او Photographer

الصفات الي انت هتحتاجها انك تكون مبدع في الحاجات الي بتقدمها على الموقع انها تكون جديدة ومش مستخدمه ويستحسن متكنش عارضها على اي موقع تاني، ويستحسن تكون مواكبه دايماً للـ Trend يعني ميكنش التصميم او الصوره ب style قديم ميلفتش الانتباه للمستخدمين في الموقع.

لازم تكون انت الي عامل الشغل الي انت هتنزله على الموقع، بلاش تستنصح وتنزل حاجه مش انت الي عاملها عشان هيعرفو :D.

حاول تشوف الحاجات الي نازله في الموقع ومعروضه بشكل مادي عشان تستخدمها كـ refrance ليك في الحاجات الي انت هتعملها.

هو دا بس الي مطلوب ؟

لا مش هو دا بس، بعد ماتسجل هيطلب منك انك ترفع ٢٠ ملف من احسن حاجه عملها في شغلك وهيطلبو منك اختبار بسيط عشان يتأكدو من شغلك ويتأكدو انك مناسب لطبيعه عرض الشغل على موقعهم.

طيب ازاي اسجل في الموقع؟

اول خطوه هتدخل على الرابط دا Become a contributor عشان تسجل، اختار طريقة التسجيل المناسبه ليك.

بعدها هيطلب منك شوية بيانات منها البلد والـ job title بتاعك وغيره.

هيظهرلك فوق على اليمين button بالشكل دا هتحتاج انك تدخل عليه.

هيطلب منك شويه بيانات تاني، معلش اصبر عليه شويه 😀

بعدها هيظهرلك الـ Dashboard بتاعتك بالمنظر دا

عشان تبدأ ترفع شغلك هتحتاج تدوس على upload button الي فوق دا O.O

هيكون متاح ليك انك ترفع PSD او EPS او JPG، على حسب شغلك او موهبتك، بس هتكون بشروط معينه :

بعد ماتخلص كل الخطوات دي هتحتاج تستنى شوية وقت على بال ما يوفقوا علي الـ request بتاعك.

طيب بعد مايتم قبول الاكونت بتاعك، طبيعه الشغل ان هيتطلب منك عدد Tasks معينه اسبوعيه تعملها وتنزلها على الموقع بسعر محدد.

طيب هاخد فلوسي ازاي ؟

الناس دول بيدفعو من يوم ١٠ ليوم ١٥ من كل شهر ، لازم يكون عندك حساب skrill او حساب paypal عشان يتم تحويل فلوسك عليه.

هكسب كام ؟

فيه تسعيره او مبلغ معين متحدد عند طريق Freepik وهو ٥ دولار لكل ١٠٠٠ تحميل لملف من ملفاتك.

المبلغ انت هتشوفه بسيط، لكن واقعياً المبلغ ممتاز، خلي بالك ان الموقع بيزوره ملايين كل يوم، وفي نفس الوقت انت مشش هتعرض على الموقع ملف واحد بس، انت هتعرض اكتر من ملف وفرصه تحميله هتكون كبيره بالرقم دا.

مين تاني يقدر يستفاد بالربح من الموقع ؟

  • لو بتعرف تكتب كويس ( طبعا English ) في مجالات :

– Graphic Design, icon design, etc

– Designer lifestyle

– UX / UI Design, Web Design

– Online Marketing

– Freebies

– Inspirational work

– Compilations

في نهايه الموضوع بنصحك انه يستاهل التجربه، طرق الربح كتير لو انت موهبتك كويسه مش هتخسر حاجه وقت فراغك لو جربت، هنحاول دايماً نوفرلك فرص وافكار اكتر للربح.

دا كان موضوعنا عن ازاي Freepik يكون مصدر ربح ليك

لو عايز افكار تخليك Freelancer ناجح ادخل هنا.

احنا مجموعة شباب حبينا نشارك خبرتنا المتواضعة الي اخدنها من شغلنا المتواصل لسنين كتير في الديزاين والسوشيال ميديا.
احنا لسه بنبدأ وارد جداً تلاقي اخطاء كتير بنحاول قدر الامكان اننا منوقعش فيها ودايماً فاتحين المجال لاي تعديل واي افكار من متابعينا للمشاركه بيها في اي وقت.