الربح من تصميم الجرافيك
الربح من تصميم الجرافيك

الربح من تصميم الجرافيك

الربح من تصميم الجرافيك كلمه سمعناها كتير من ناس علي المواقع واليوتيوب.

طيب هل فيه طريقه تخلي فعلا تصميم الجرافيك مصدر ربح ليا بعيدا عن المرتب الي بقبضه من الشركه؟.

اتكلمنا في النقطه دي والطرق كمان في القسم دا فلوسجيتال.

لكن خلينا النهارده نتكلم في النقطه دي بوجهه العموم شويه.

ايه الطرق الي ممكن امشي فيها عشان اقدر افتح لنفسي اكتر من باب لمصادر ربح غير مرتبي ؟

فيه كذا طريق ودا على حسب مزاجك ودماغك انت.

ولما اجي اقول علي حسب مزاجك ودماغك هي لان كل شخص بيختلف عن التاني في اسلوب شغله او الفكره الي يرتاح فيها.

اول وانسب فكره بالنسبالي هي :

١- صناعة المحتوى:

بالظبط زي الموقع الي لنت بتقرا فيه الموضوع دا دلوقتي كمثال.

بس خليني اوضحلك فكره صناعه المحتوى ليه الفكرة المفضله بالنسبالي.

باختصار حضرتك كمصمم جرافيك انت شغلتك هي موهبه زيك زي اي فنان غير انك تعمل لنفسك معرض تعرض عليه شغلك.

او تنتج لك شريط كاسيت تسمع الناس اغانيك، مفيش مصمم جرافيك مش بيعمل لنفسه portfolio.

بس ال portfolio مش موضوعنا دلوقتي، الي عايز اوصلهولك انك انت نفسك الكنز الي تقدر تعرض معلوماتك باكتر من طريقه عرض محتوى.

زي انك تعمل قناة علي اليوتيوب تتكلم فيها عن المجال بتاعك او تعمل دروس لحاجات مش منتشرة.

او انك تعمل موقع او مدونه تتكلم فيها عن مواضيع ومعلومات وغيره عن المجال برضو .

طيب اكيد عارفين ان بالتالي دا هيكون مصدر دخل ليك عن طريق الاعلانات وغيره من الطرق الي عرفنها.

اكيد هيحتاج منك وقت ومجهود في البدايه لكن مع الاستمراريه الموضوع فعلا بيقدملك دخل كويس.

طيب وايه تاني ؟

بعيدا عن فكره المواقع واليوتيوب ولو مش عايز تدخل نفسك في السكه دي .

ممكن تعرض محتوى.. برضو هتقولي محتوى!

يعم مش قصدي نفس المحتوى دا ، هتقدم محتواك الشخصي انت للبيع.

ناس كتير بتتجه انها تشتري assets تستخدمها في شغلها زي ال mockups او vectors وغيرها .

ليه انت متعملش دا وتبيعه من خلال موقع خاص بيك ؟.

طيب وغيره..

خلصنا الافكار المفضله بالنسبه وجه نظري المتواضعه.

خلبنا ندخل في الافكار العشوائيه، مش معنى اني بقول عشوائية يبقى ملهاش لازمه.

مفيش افكار ملهاش لازمة لو انت فعلا ركزت في واحده بس منهم وحسيت نفسك هتبدع فيها انك هتطلع فلوس من معميعها،. بس الصبر.

٢- مواقع الفري لانس:

ولو ناس كتير متعرفش فكرتها هي مواقع بتقدملك خدمه انك تسجل في الموقع بشكل مجاني زي مواقع :

Fiver

upwork

freelancer

وبعد مابتدخل بيكون فيه طلبات من عملاء ، الي عايز يصمم لوجو والي عايز يصمم موقع وغيره .

وحضرتك بتقدم العرض بتاعك ولو العميل اختارك بيكون فيه نسبه بسيطه من المبلغ لصالح الموقع.

ومعظم المواقع بيكونو فعلا خاصمين النسبه دي من البدايه فمش هتحس بيها اوي.

عيب الموضوع دا فقط انه عايز حد متفرغ تماما وصبر لانك هتحتاج انك تقدم علي اكتر من طلب لاكتر من عميل.

فيه منهم واحد بس ممكن يوافق .

٣- بيع تصاميمك:

لو انت مش هتعمل موقع خاص بيك تعرض عليه التصاميم الي انت هتعملها.

فيه اكتر من موقع تقدر تعمل عليه اشتراك وتبيع عليه تصاميمك، طبعا المشكله الي هتقابلك غير ان الموقع هيكون له نسبه.

ان دايما التسجيل في المواقع دي بياخد مده شويه علي بال مايتوافق علي حسابك، وساعات بتكون شروط رخمه شويه.

من المواقع دي زي :

Envato

creative market

codester

وغيرها كتير ..

في النهايه طرق الربح كتير من مجالك لو انت متمكن منه والطريقه الانسب ليك هي الي هتخليك تكسب فعلا منها بسهوله.

ودا كان موضوعنا عن الربح من تصميم الجرافيك

احنا مجموعة شباب حبينا نشارك خبرتنا المتواضعة الي اخدنها من شغلنا المتواصل لسنين كتير في الديزاين والسوشيال ميديا.
احنا لسه بنبدأ وارد جداً تلاقي اخطاء كتير بنحاول قدر الامكان اننا منوقعش فيها ودايماً فاتحين المجال لاي تعديل واي افكار من متابعينا للمشاركه بيها في اي وقت.