ايه الفرق بين junior و senior
قبل اي حاجه لازم تكون عارف انك قبل ماتقرر تغير الـ title بتاعك لازم تكون عارف هو عباره عن ايه قبل ماتعرف الفرق بين junior و senior .
او المهام بتاعته ايه وامتي تبتدي تقول علي نفسك انا بقيت senior او Art director ؟
يعني من الاخر ميكنش مستواك junior وتيجي تنزل design الناس ترد عليك تقولك ايه العظمه دي.
ف الحماسه تاخدك و تخليك تدخل تغير title بتاعك creative director مره واحده بدون مقدمات.
طيب مانا ممكن تكون امكانيتي اكبر من اني اعدي علي senior و art director مش لازم اعدي علي الـ title بتاعهم الاول ؟.
مفيش حاجه اسمها كدا ولو بتفكر التفكير دا يبقا عمرك مش هيكون طويل في المجال دا.
ليه ؟.
كل title من الي هنتكلم عليهم فيهم خبره مختلفه ، مش خبره مجرد اني junior بعرف اشتغل علي الـ photoshop فلما اكون senior هاخد خبره Ai مثلا ! اكيد لا؟.
والا المسميات دي سهله والا بتاخدها على حسب الاقدميه بتاعتك في الشركه، انت مش موظف!. ومتحاولش تثبت غير الواقع الي انت فيه لان الفرق بيكون كبير جداً مابين الاتنين.
فيه خبرات تانيه غير انك تشتغل علي مجرد برامج بس خبرات في التعامل مع الـ Team بتاعك.
وطريقه مختلفه في التعامل مع مديرك والشخص الي انت بتسلمه الشغل ويديرك بيختلف ، ماتيجي نشوف ؟.
نبتدي بالـ junior graphic designer .
هو شخص لسه بادئ في المجال وبيكتشفه وبيحاول يلم خبرات الي حوليه علي قد مايقدر، في الاغلب الـ junior بيكون مديره او بيسلم شغله ل senior او art director.
مبيكنش لسه عنده خبره كبيره في اداره شغله او اداره اشخاص بيكون مهمته وتركيزه اكبر في انه يتعلم من كل شخص حاجه يقدر يزود بيها خبرته .
في الاغلب بياخد وقت اكبر ومجهود في التفكير وتنفيذ الـ task المطلوبه منه، بيكون عنده طموح اكبر انه يخلي الـ design بتاعه ممتاز ، ودا السبب الي بيخليه ياخد وقت شويه.
العامل الاكبر والمجهود الاكبر في المرحله دي مبيكنش فقط علي junior ، بيكون علي مديره اياً كان هو الـ senior او Art director.
انه يقدر ينمي مهارات الشخص دا ايا كانت مهارات في طريقه شغله او مهارات اداريه ..
ملحوظه : مش شرط اننا نذكر كلمه اداريه في الكلام يبقا احنا كدا موظفين ( نهائي ).
بس الاداره جزء كبير من شغلنا وبيختلف معناها من اداره الوقت لادراه الشغل ولاداره اشخاص وغيره.
نيجي عند الـ senior graphic designer .
هنا نفس الشخص الي كنا بنتكلم عنه الـ junior بس بقا عنده نضوج في التعامل مع الاشخاص.
وابتدا ينمي مهاراته بشكل ملفت ، والاهم انه بقا يقدر انه يعلم اشخاص حوليه خلينا ندي مثال بسيط:.
الشخص دا وهو junior قعد سنه او اتنين وجه اتعين واحد في المكتب الي جمبه junior.
ابتدا الشخص الجديد يسال الشخص دا علي حاجات معينه في الشغل وقدر ان الشخص يفيده.
وياثر علي الشخص الجديد انه ينمي نفسه ويديله من خبراته، ساعتها نقدر انه ابتدا يحط رجله علي اول طريق senior.
اكتر الحاجات الي بتميزه انه الفكره معظم الوقت حاضره.
بقى عنده خبره مع اكتر من نوع clients مختلفه ودا سبب انه بقا يعرف يتعامل بسهوله مع تنفيذ الافكار.
بقى عنده نسبه طلب حضور في meetings عشان يقول افكاره ودا زود في شخصيته اكتر فن التعامل مع الناس الي حوليه.
لما بتوصل للـ senior بتبتدي اول طريق المسؤوليه الى حداً ما.
بتكون اتنقلت من منطقه ان عليك مسؤوليه انك تتعلم لانك تعلم. هيكون لاول مره عليك مسؤوليه اشخاص مطلوب منك انك تضيفلهم من خبراتك.
مش بس كدا هيكون مطلوب منك انك تزود انت كمان مهاراتك اياً كانت فنيه او اداريه.
ونحط تحت اداريه مليون خط لان هي الي هتكون السبب الاكبر لانك توصل للمستوى الي بعده والي بيكون Art Director.
في النهاية نصيحة بسيطة وهي الغرض من الموضوع الي احنا بنتكلم فيه وهي انك متستعجلش انك تاخد خطوه بدري عن الي انت المفروض تكون موجود فيها لان دا هسيببلك مشاكل متكنش دلوقتي بس هتبان معاك بعد كدا.
دا كان موضوعنا عن الفرق بين junior و senior
