في البداية ايه هو موقع Etsy ؟
بيع التيشرتات على موقع Etsy – موقع Etsy هو موقع اتأسس سنة ٢٠٠٥ وهو موقع متخصص لبيع المنتجات الحرفيه، زي التيشيرتات والاحذيه والاكسسوارات والمنتجات اليدويه.
طيب ودا يفيدني في ايه ؟
كل المنتجات الي معروضه في الموقع مش ملك صحاب الموقع، ملك اشخاص عاديين زيي وزيك ، بيدخلوا على الموقع وبيسجلو وبيعرضو تصميماتهم للبيع.
يعني هعمل designs وانزلها للبيع في الموقع؟
مش بالظبط، انت هتعمل الـ design وهتختار المنتج المناسب بالنسبالك الي الموقع يطبع عليه تصميمك ويعرضه للبيع.
طيب ومين الي بيطبع وبيشحن ؟
انت ملكش علاقه بالطباعه والشحن وهما بيكونو متكفلين بيه من البدايه للنهايه.
انت كل الي عليك انك بتصمم الفكره الجميله بتاعتك الي ممكن تتطبع على تيشيرت او غيره من المنتجات الي انت بتخترها.
وبتنشرها علي الصفحه بتاعتك في الموقع بالسعر الي تحدده.
طيب دي فكره الموقع، خلينا نتكلم عن فكره الـ business نفسها وهي قايمه على ايه:
فكرة الـ business دي قايمه على انك تعمل منتج واحد بمبلغ بسيط بس يتباع اكتر من مره.
فيحققلك ربح كبير لو دخلت على Etsy وبصيت بصه على الـ Tshirts هتلاقي اسعارها مابين 20$ و 30$.
السعر هيبانلك انه قليل لكن لما تيجي تحسبها لو اتباع على الاقل ٢٠ مره في الشهر 400$ ودا من تصميم فكره tshirt واحده بس.
طيب وايه المطلوب مني عشان اقدر ابيع على الموقع؟.
خبرة بسيطة
المطلوب منك ان يكون عندك خلفيه عن الـ designs القابله للطباعه، ودي شويه معلومات بسيطه اعتقد انك اكيد عارفها.
التفاصيل
وانت بتنزل المنتج بتاعك على الموقع اهتم بالاسم والوصف والتفاصيل كلها. عشان دا بيسهل على المنتج بتاعك انه يظهر في محركات البحث.
التسويق
هل دا كافي عشان المنتج بتاعي يتباع بسهوله؟.
اكيد لا، اتعامل مع صفحتك في الموقع زيها زي اي منتج انت عامله محتاج تسوقله.
الموقع عليه ٣٠ مليون واحد من جميع انحاء العالم، اكيد هتحتاج تسوق لنفسك عشان تظهر مابينهم.
اعمل صفحه على facebook او instagram بـاسم المتجر الي انت عملته على موقع Etsy وابتدي سوقله اكنه brand بالظبط.
حاول تعرض تصميم الـ tshirt الي انت عامله بطريقه لطيفه تلفت الانتباه زي انك تعمله Mockup.
حاول تتفرج على المنتجات الموجوده في الموقع وتقرا عن الـ Seller Stories هتفيدك قبل ماتبتدي.
هل الموقع يستاهل التجربه؟
دايماً بننصح ان مفيش حاجه متستاهلش التجربه، طرق الربح كتير، مش هنقولك تجربها كلها.
بس مفيش حاجه بتنجح من اول مره، دي طريقه من ضمن كذا طريقه ممكن تجربها.
الموقع ممتاز وممكن يكون مصدر دخل كويس لو قدرت تسوق للشغل الي هتعمله كويس.
دا كان موضوعنا عن بيع التيشرتات على موقع Etsy
عشان تعرف ازاي تكسب من موقع Freepik ادخل هنا
لو انت مصمم جرافيك فيه طرق كتير ممكن تزود بيها دخلك من على الانترنت منها موقع Etsy وهو موقع مخصص لبيع التيشرتات بالتصميم الي انت هتعمله
موقع Etsy بتتراوح اسعار التيشرتات الي تقدر تبيعها عليه مابين 20$ و 30$
الموقع مضمون جدا وبيزور الموقع ملايين كل يوم وفيه اكتر من طريقه دفع عليه تستقبل عليها فلوسك
