تصميم اللوجو
مبدئياً الموضوع بتاعنا هيكون مختلفه اننا مش بنهاجم فيه الناس الي بتقوم تصميم اللوجو بالفوتوشوب ونقول غلط وخلاص.
هنقول امتى تقدر تستخدم الـ. photoshop في تصميم اللوجو وايه الافضل والصح بالنسبالك لو انت بتعرف تتعامل اكتر على الـ photoshop.
نخش في الموضوع.
ليه بيكون تصميم اللوجو افضل على برنامج adobe illustrator من adobe photoshop ؟
في المجال بتاعنا فيه اكتر من برنامج كل المصممين بيستخدموه وكلهم ليهم حاجه معينه بتميزهم.
من اكتر البرامج المستخدمه في مجالنا والاكتر شهره هي adobe illustrator و adobe photoshop.
واكيد فيه ناس بتفضل كل واحد على حسب امكانيتها وشطارتها في البرنامج ، في ناس بتفضل انها تشتغل دايماً على الـ photoshop.
فبالتالي هيكون اسهله انه يشتغل على الفوتوشوب وهيكون اختياره الاول لاي projcet يشتغل عليه.
في نفس الوقت خلينا نكون واقعيين اكيد شركه زي adobe لما تيجي تصمملك برامج تشتغل عليها.
اكيد مش هتعمل اكتر من برنامج بنفس التخصص ونفس الوظايف.
في نفس الوقت مش مستحيل ان برنامج يقوم بنفس مهام البرنامج التاني بس اكيد فيه نقاط قوه ونقاط ضعف في الجزء المشترك مابينهم.
بمعنى اكيد الفوتوشوب بالنسبه لناس كتير اسهل بالذات للمبتدئين.
بس خلينا نقول لو هنستخدم الفوتوشوب في تصميم لوجو او تصميم vector اكيد مش هيكون في نفس قوه الـ adobe illustrator .
بالتالي هيكون قوه والافضل في تصميم اللوجو هو adobe illustrator.
ايه الاسباب الي تخلينا نقول تصميم اللوجو افضل على adobe illustrator ؟
خلينا نتكلم على مميزات كل برنامج الاول والاختلافات الي هنعرف بسببها ليه بنقول الكلام دا.
برنامج adobe illustrator :
هو برنامج اتعمل في الاساس للرسم ، اياً كان نوعية الرسم ، رسم لوجو او رسم shapes وغيره.
لان اهم مميزاته ان الملف المخرج من البرنامج هو ملف vector اياً كانت صغيته مهما الملف يتغير مقاسه هيفضل محتفظ بنفس جودته بدون تاثير.
ودا من اهم الحاجات المهمه المطلوبه في تصميم اللوجو.
اكيد انت هتحتاج ان اللوجو الي هتعمله يكون مناسب لتغير مقاسه بدون تغيير في الجوده ( من غير ما يبكسل).
بمعنى ان اللوجو الي هتنفذه هيكون محتاج يتطبع على كارت ( مقاس صغير ) يتطبع على لوح اعلانات ( مقاس اكبر).
برنامج Adobe photoshop :
لو الموضوع متعلق بدمج الصور photo manipulation اكيد هيكون الفوتوشوب هو الافضل بجداره في الموضوع دا.
الفرق هنا ان photoshop قايم على Raster Graphics (الرسومات النقطية) عكس الـ illustrator انه قايم على vectors.
تقييداً بالمقاس الي مينفعش يكون اكبر من المقاس الي انت محدده في بداية شغلك على الـ projects دا.
لكن خلينا نقول ان بقى فيه حل مؤخراً وهو التعامل بالـ smart objects layers .
لكن خلينا نقول ان لو الـ smart objects محتواها صور بمقاس معين وكبرتها باكبر من المقاس بتاعها برضو هتبكسل 😀 .
لكن لو محتوى الـ smart objects عباره عن vector مش هتحصل المشكله دي زي ماقولنا في شرح الحته دي فوق.
لكن خلينا نقول ان فيه ناس بتستخدم الـ. photoshop في تصميم البرشورات او الفلايرز والحاجات الي انت متاكد ان مقاسها مش هيتغير او مش هيكبر بعد كدا.
ودا برضو مش مفضل والافضل انك تستخدم adobe illustrator.
طيب يعني معنى الكلام دا ان مستحيل اعمل لوجو على الفوتوشوب ؟
خلينا اقولك انك لو بتاخد راحتك اكتر في تصميم اللوجو بالفوتوشوب او هتكون اسرع في تنفيذ اللوجو فدا مش هيكون كارثه.
عادي جداً بالعكس انك لو اسرع الموضوع هيكون افضل اكيد من انك تقيد نفسك على الـ illustrator .
بس لازم تعمل حسابك انك لو هتصممه على الفوتوشوب هيكون فيه حالتين هنتكلم فيهم :
١- logo for digital:
لو تصميم اللوجو الي انت هتعمله هيكون استخدامه digital بمعنى ان الـ client مش هيحتاج في يوم يطبع اللوجو وهيكون استخدامه على الـ social media او الـ website.
٢- demo or samples :
لو شايف ان الموضوع اسرع بالنسبالك على الفوتوشوب وهتاخد وقت اطول على الـ illustrator ومش عايز تاخد الوقت دا كله في تصميم لوجو انت مش عارف هو هيتوافق عليه والا لا .
هيكون ساعتها اختيارك انك تعمل demo او samples على الفوتوشوب اختيار صح.
بس لازم تعمل حسابك ان الي انت هتنفذه على الـ photoshop هتعيده تاني في حاله الموافقه عليه على الـ. illustrator .
يعني الخلاصه الصح فين ؟
الصح illustrator ، بس زي ما بنقول دايماً الـ graphic design ملوش قواعد والا قوانين.
والـ graphic desginer الشاطر هو الي بيوظف موهبته بطريقة اسرعله واريحله عشان يوصل للمطلوب بسهوله وبدون تعقيد.
انت في الاول والاخر بتقدم لوجو للـ client في الاول عباره عن صوره.
مش هيفرق معاه في الاول الصوره دي متنفذه على photoshop او على illustrator .
لكن هيفرق معاه في الاول المخرج النهائي او الملف الي هيروحله عشان ينفذ بيه شغله زي ماحولنا نوصلك.
دا كان موضوعنا عن تصميم اللوجو بالفوتوشوب
