خلينا الاول نقول تعريف بسيط عن الـ Photo Manipulation :
قبل ما نقولك الـ ١٠ دروس Photo Manipulation مجانيه لازم تكون عارف انه فن موجود من زمان مش زي ما الناس ما فاكره انه تريند جديد.
واعتقد لو رجعنا اكتر من ١٠ سنين ورا والي متابع deviantart من زمان عارف ان الفن دا منتشر من زمان.
يمكن العشر سنين الاخيره الي اختلف في الموضوع ومع تطوير الـ photoshop اكتر وظهور مواقع زي Behance وغيرها من الي بتديلك فرصه تشوف شغل الناس من اكتر بلد في العالم اتطور التفكير في طريقه التنفيذ.
لو هنعرفه بالعربيه الفصحى فهو فن دمج الصور وهو نوع من انواع كتير لطرق تنفيذ الـ Design.
لو هنعرفه بسهوله اكتر هو فن بتستخدم فيها معظم الحاجات الي انت اتعلمتها على الـ photoshop في تصميم واحد.
لانه ببساطه وانت بتعمل الـ Design دا هتلاقي نفسك بتقطع صور – بتعمل retouching و بتظبط اضاءه وغيره.
وبالبلدي هنقول ان الـ Design دا في الاخر بيكون تركيب اكتر من صوره في صوره واحده مع تظبط الاخراج النهائي للتصميم عشان يطلع ( مايه واحده ) وميبنش التركيب.
هنقولك هنا على اكتر من 10 دروس هيفيدوك في فهم الـ Photo Manipulation اكتر .
Blend Two Photos in Photoshop – Manipulation Tutorial Effect
درس ١٠ دقايق من Photoshop Tutorials بيعلمك فيه ازاي تدمج صورتين مع بعض، الدرس مفيد وسهل جداً كبداية مع الـ Photo manipulation.
Glow in the Dark Portrait Effect Photoshop Tutorial
بتتعلم فيه ازاي تعمل Glow effects، هيعلمك ازاي تحول صوره عاديه من لا شئ لحاجه جميله جداً، الدرس سريع شويه هيحتاج منك تركيز.
How to Make Pop Out Photo Manipulation Effect In Photoshop
اكيد شوفت style التصاميم دي قبل كدا ومعرفتش ازاي بتتعمل، الدرس دا بيتكلم بالتفصيل عن طريقه عمل افكار زي كدا وتقدر انت وخيالك تنفذه على صور مختلفه بحريتك .
Photo Editing in Photoshop | Smoke Bomb
U2 Studio من الناس الي بيقدمو دروس ممتازه في Photo Manipulation والـ Photoshop عموماً، في الدرس دا بيتكلمو عن طريقه عمل smoke bomb effect.
Photoshop Manipulation Tutorial – Adding Light Effects in Photoshop
Andhika Zanuar من الناس الممتازه والمشهوره في مجال الـ Photo Manipulation، في الدرس دا بتتكلم عن تاثيرات الاضاءه .
PORTAL – Photo Manipulation Tutorial
درس ممتاز هتتعلم من خلاله ازاي تعمل double exposure، وممكن تطبق الدرس دا على افكار مختلفه من خيالك.
[ Color Effect ] Professional Color Correction l Photo Editing Tutorial in Photoshop
تصحيح الالوان من الحاجات الممتعه الي لازم تكون بتعرف تعملها، الدرس مش ممل ومش هتقابلك صعوبه في التنفيذ.
Text Portrait Effect Photoshop Tutorial
من افضل الدروس الي ممكن تفيدك لو انت مهتم بدمج الصور مع الـ text.
How To Match a Subject Into ANY Background In Photoshop! Compositing Tutorial
درس تاني من Photoshop بيعلمك ازاي تدمج صوره بطريقه سهله مع الخلفيه من غير ماتحس بفرق في التركيب.
How To Remove ANYTHING From a Photo In Photoshop
درس هيكون مهم بالنسبالك انك تشوفه وتطبقه، اكيد قابلك انك محتاج تشيل ايه جزء موجود في الخلفيه مسببلك ازعاج بالذات لو في مكان صعب، في الدرس دا هتعرف الطريقه بسهوله بدون تعقيد.
My Shoe House Photoshop Manipulation Tutorial Compositing
درس ممتع مدته كبيره شويه لكن مفيد ومش هيكون ممل بالنسبالك وانت بتنفذ .
Tissue Roll Photo Manipulation Photoshop Tutorial Composite
درس تاني للمبدع rafy A بيتكلم بالتفصيل، انصحك تمشي معاه خطوه خطوه وهتقدر توصل للاخراج النهائي بالمنظر دا في الاخر.
ودول كانوا ١٠ دروس Photo Manipulation مجانيه.
نصيحة دايماً بنقولها عند تطبيق اي درس حاول اول مره تطبقه بالطريقه الي بتشوفها بس بعدها لازم تطبقه على فكره تكون بتاعتك انت 😉
