ايه هي طريقة كتابه الـ Bio .
خلينا نقول ان عشان تكون graphic designer ناجح لازم يكون فيه معاك digital bag ودي الي فيها الحاجات الي ممكن في اي وقت تحتاجها او تطلب منك عن طريق الـ Client ودي لازم نتكلم فيها قبل ما نقول طريقة كتابه الـ Bio.
والـ digital bag دي بيكون فيها ايه؟
حاجات كتير بتتقسم لجزئين منها حاجات بتفيدك انت كا designer زي الـ fonts , icons, stocks وغيرها من الحاجات الي بتحتاجها في شغلك دايماً.
وحاجات بتطلب منك بالذات لو كنت freelancer زي الـ. portfolio بتاعك وزي CV وزي الـ Bio.
والنهارده هنتكلم عن الـ Bio ايه فايدته وبيتحتوي على ايه وازاي ترتبه.
في البدايه هو ايه الفرق ما بين الـ Bio والـ CV:
الـ Bio هو اختصار الكلام الكتير الي موجود في CV في كام سطر.
يعني من الاخر ملخص تقدر تضيفه على Behance او تقدر تبعته في ايميل او لو هتبعته لشخص محتاج يعرفك اكتر.
مش بس كدا هو برضو بيتطلب منك لو اشتغلت في شركه جديده ومحتاجه تبعت ايميل تعرف الناس بيك.
ايه صعوبة كتابة الـ Bio :
مشكلة وصعوبة الـ Bio هو اختصار الكلام، دي حاجه بتميزه لكن حاجه بتشكل صعوبه وممكن تسببلك مشاكل او انت مش عارف تكتبه صح.
ليه ؟
لان بيتوجب عليك انك تلخص كل خبراتك وتفاصيل الـ skills بتاعتك ومعلوماتك الشخصيه كلها في شويه كلام قليل.
فبالتالي لو نسيت حاجه او سقطت حاجه او كتبتها بصيغه مش مناسبه هتظلمك كتير.
يعني هحتاج الـ Bio في ايه بالظبط برضو ؟
مادام انت graphic designer اكيد عندك linkedin او عندك behance او حتى facebook page او website.
تفتكر لو عندك اي حاجه من الحاجات دي الناس هتدخل تتفرج على شغلك على طول مش هيجي 90% منهم يحاول يعرف انت مين؟
طيب لو حد عايز يشتغل معاك، تفتكر لما يدخل وميلاقيش اي معلومات عنك هياخد فكره عنك انك profissional والا لا ؟
طب وليه وجع الدماغ دا ماستخدم الـ CV بتاعي وخلاص.
زي ماقولنا ان فيه ناس بيعجبها شغلك لو محتاج يعرف تفاصيل عنك مش هيحتاج يقلب في الـ CV التلات اربع صفحات الي انت كاتبهم والا يهمه انت من انهي بلد والا مواليد كام.
معظم الناس عايزين الخلاصه الي تفيده وتوصله الي هو محتاجه وعايزو.
طيب ابدأ من فين ؟
خليك معايا خطوه خطوه وبالترتيب هتلاقي الموضوع سهل.
١- ابتدي باسمك :
اعتبر نفسك قاعد مع حد لسه بتعرفه بنفسك، اكيد مش هتدخل عليه تقوله انا بشتغل photoshop وبحب الـ photo manipulation ، اكيد غلط.
البدايه باسمك مهمه ، وبيكون الاسم الثنائي بلاش تكتب اسمك السداسي.
٢- معلومات شخصية بسيطة :
بلاش تحكي قصه حياتك في الجزء ذا، حاول تختصر على قد ماتقدر حتى في معاني الكلام البسيط.
مثال:
لما تقولك انت منين : Cairo,Egypt ملهاش لازمه تقول Masr Elgdida , Cairo , Egypt.
لما تقول عندك كام سنة : بلاش تكتب تاريخ ميلادك كله وانت برج ايه واتولدت الصبح والا بليل، كفايه اوي سنك.
٣- معلومات عن خبره شغلك وتعليمك :
هتبتدي بالـ job title الحالي بتاعك، وبعدها هتذكر سنين الخبره بتاعتك في مجالك.
ولو فيه شهادات اخدتها او جوايز برضو هتجيب سيرتها ( برضو باختصار كفايه اسم الشهاده بس ).
٤- معلومات الشركة الحاليه:
هتقول بس انت شغال حاليا في شركة ايه وبتشتغل في تخصص ايه وبقالك فيها كام سنه.
٥- تفاصيل التخصص :
بمعنى انك لو بهتم بحاجه معينه هتقول انك مهتم بيها مثلا : photoshop manipulation، motion graphic او غيره.
٦- القفله :
احسن طريقه تقفل بيها شكلها شيك انك تقول طموحاتك الي انت بتشتغل عليها دلوقت عشان توصلها ايه ( برضو مش هنرغي، اخرك سطرين فيها لو هتقول مثلاً ان طموحي ان اكون Creative director في شركه كبيره … الخ).
ترتيب المعلومات الي هتكتبها من رقم ٣ لـ ٥ مش شرط كبير، وفيه ناس كتير بتغير ترتيبها، لكن الترتيب الي مكتوب هو الاغلب.
شوية References لشكل الـ Bio :
دا كان موضوعنا عن طريقة كتابه الـ Bio
