كورسات الجرافيك ديزاين – مفيده ام لا.
كورسات الجرافيك ديزاين – مفيده ام لا بتشوف دايما اعلانات علي السوشيال ميديا عن حاطين كام تصميم في الاعلان.
وبتقولك ان دا شغل الناس الي درسوا عندنا.
ابتدي معانا كورس الجرافيك ديزاين دلوقتي وهتكون زيهم بعد شهرين بس من الكورس.
ممكن يكون الكلام والشغل فعلا صح ، بس فيه كام نقطه لازم تخلي بالك منهم.
قبل ماتروح تدفع فلوس في كورسات الجرافيك ديزاين وتتعشم في حاجه ممكن تكون فاهمها غلط.
لما حد بيبقي عايز يتعلم حاجه جديده ، دايما فيه اختيار السهوله والسرعه.
الي ممكن توصلك للي انت عايز تتعلمه، اكيد انت هتختاره.
ودي دايما بتبقي نقطه بيستغلها اي حد عايز يعلن عن خدمه او ميزه او كورس.
ودا الي بينفذه او بيستغله الفئه الي احنا بنتكلم عليه النهارده.
الفئه دي بتستهدفك انت عشان تلفت انتباهك انك ممكن تتعلم حاجه تقدر انك تلاقي من خلالها شغل ودخل مادي تحت مسمى كورسات الجرافيك ديزاين .
طبعا مش بكدب ان الشغل الي ممكن يكون في الاعلان دا مش حقيقي ان مش من الناس الي درسو في المكان دا.
بنسبه كبيره هو فعلا هيكون منهم ، بس هما اتعلمو ايه او المكان دا ضافلهم ايه عشان يقدرو يطلعو شغل زي دا ؟.
زي ماحنا عارفين ان الجرافيك الديزاين بيتكون وبيعتمد علي حاجات كتير ، فيه حاجات قبل التنفيذ.
زي الـ Concept او الفكره و الـ Art Direction او الـ Content ، Research، tools , presentation.
كل الحاجات الي الي قلناها بس اختار منها tools ، هي دي الحاجه الوحيده الي هيقدمهالك المكان دا.
ودي حاجه لازم تبقي عارفها انك مش هتخلص الكورس دا هتطلع منه سوبر هيرو والشغل هتلاقيه بيجري وراك في كل مكان.
التولز لاي سوفت وير هي مجرد ٣٠ ٪ من تنفيذ شغلك.
والباقي يتعمد علي تفكيرك ودماغك وطريقه تنفيذك للفكره دي ازاي.
وفي النهايه دا بيتوقف عليك انت ، لو انت من الشخصيات الي مش بتعرف تتعلم حاجه جديده اونلاين.
او صعب عليه انه يطبق الي يتعلمه من غير مايكون حد قدامه يستفسر منه او يساله.
هيكون اكيد اختيار كويس بالنسبالي انك تبتدي بس وانت تكون عارف انك هتتعلم بس tools. والباقي هيكون معتمد عليك انت.
في اماكن بس للاسف نادره جدا بتقدر انها تفيدك ازاي تقدر تساعدك.
عن طريق انها تقولك ازاي تقدر تعمل research عشان تطلع بفكره كويسه.
وتقدر تربطها بـ tools الي هما علموهالك وتقفل فكره بتنفيذها بالكامل.
بس هرجع واقولك ان كل دا بيحطك بس علي اول الطريق والباقي بيعتمد عليك انت.
كورسات الجرافيك ديزاين – مفيده ام لا.
