كيفيه تصميم شعار (لوجو), ناس كتير فاكره للتصميم ان تصميم شعار (لوجو) بيكون امر بسيط وسهل وعشان كدا دايما المصممين وبالذات freelancers.
عندهم معاناه من الاسعار الي بتتعرض عليهم وبتكون غير مجزيه لتعبهم تماماً.
خلينا نعرف الاول ايه هو الشعار (اللوجو) بشكل بسيط.
الشعار او اللوجو بيكون هو الي بيمثل العلامه التجاريه brand الخاص بيك او بالعميل، بيكون بيدي انطباع عن الخدمه الي العميل بيقدمها بشكل مميز عن المنافسين.
خليني احاول ان اوصلك لهدفك في تصميم الشعار او اللوجو سواء لنفسك او للعميل.
اولا خطوات تصميم الشعار (اللوجو)
١- دراسه البراند المطلوب تصميم شعار له :
قبل ايه حاجه لازم تعرف هدفك وتذاكر كويس البراند او العميل الي طالب تصميم شعار (لوجو) .
الموضوع هيفرق جدا معاك في مسار عمليه التصميم وعلي القرارات الي انت هتاخدها في اختيار نوع التصميم والالوان.
لازم تعرف البراند هو رسمي والا شبابي ، هل هيتم استخدامه علي الانترنت فقط والا هيتم طباعته.
٢- البحث عن الافكار :
كالعاده في تصميم اي حاجه لازم تعمل سيرش وتاخد افكار – تاخد افكار مش تسرق افكار 😀
هتبتدي تدور وتشوف افكار قريبه تخدم البراند الي انت محتاج تصمم له .
طيب هعمل دا ازاي ?
اول حل هو موقع Behance :
هو دايما اول موقع بنروح له لما بنحب نعمل عصف ذهني ونشوف افكار جديده وغيرنا بيعملو ايه.
تاني حل البحث في مواقع الصور ، زي google او pinterest.
هيحتاج منك شويه تعب شويه انك تبقي عارف انت بتعمل سيرش بكلمات مناسبه تقدر تستفيد بيها وتوصل للي محتاجه بشكل سريع .
٣- نوع الشعار (اللوجو):
فيه كذا نوع من انواع اللوجهات – الشعارات – المتعارف عليها وهتسهل عليك عمليه التصميم بشكل كبير.
ودي اهم الانواع :
١- Symbol : ودي بتبقي مبنيه علي شكل مميز واهم الانواع المشهوره زي نايكي او فودافون او ابل.
٢- word-mark : ودا عكس النوع الاولاني بيكون البطل بتاعه اسم البراند وامثله علي كدا شركه جوجل او كوكاكولا او فيسبوك.
٣- lettermark : ودا بيكون اختصار لحروف الشركه وامثله علي كدا زي شركه ibm او hp او h&m
٤- Combination: ودا بيكون ميكس مابين كل الانواع الي فاتت زي اديدااس او بيتزا هت او برجر كينج
٤- اسلوب التصميم:
خطوه مش ضروريه بس هتسهل عليك كتير انك تعرف اسلوب التصميم الخاص بيك ودي انواع التصميم او الاسلوب :
Minimal design : ودا بيكون تصميم الشعار فيه بيعتمد علي البساطه بشكل كبير في استخدام الاشكال وفي الاغلب بيكون لونين فقط.
Modern design : يكون فيه الاسلوب هو الاعتماد علي الاشكال الحديثه والالوان التي تعتمد علي اسلوب التدريج في الالوان gradient.
Retro design : هو الاسلوب الاغلب في الفتره الاخيره نظرا لسهوله تصميمه ووجود امثله كتيره عليه.
Creative design : وبيعتمد علي كسر القواعد والحريه عشان مش بيتقيد باي شكل او اسلوب معين بيعتمد علي الابداع والخيال.
٥- اسلوب الخطوط والالوان :
من اهم الحاجات الي تخلي بالك منها لانها العناصر الاساسيه الي هتساعد علي مخرج ممتاز للوجو.
- اختيار الخطوط :
لو التصميم الي اخترته هيعتمد علي الكلمات او الحروف لازم يكون ف بالك تخيل لشكل الخط الي هتستخدمه ودا بيعتمد علي نوع البراند هل هو مودرن والا رسمي .
- اختيار الالوان :
تناسق الالوان من اهم العناصر والي هتعبر عن قيمه البراند ، وممكن تستعين باداه coolors عشان تساعدك في اختيار الوان مناسبه.
٦- ادوات تصميم الشعار :
لو انت متمكن من برامج زي photoshop او illustrator هيكون سهل عليك تصميم اللوجو.
طيب لو معرفهمش ومحتاج لوجو سريع لنفسي ?
في اداوات كتير تقدر تستخدمها بشكل سهل لتصميم لوجو لنفسك زي :
وبتعتبر هي الاقوي واشهر استخداما في العالم وهي سهله وتقدر تعمل بيها اكتر من لوجو .
هي من الادوات الممتازه لتصميم شعار اونلاين وبتتميز بسهولتها وممكن لاي شخص انه يعمل بيها شعار احترافي ، الموقع كمان متاح باللغه العربيه :
اداه ممتازه وبتوفرلك رموز واشكال وخطوط والوان كتيره وممكن تستخدمها مجانا.
ودا كان موضوعنا عن كيفيه تصميم شعار (لوجو).
لو عايز تعرف الفرق مابين الجرافيك ديزاين والديجيتال ديزاين ادخل هنا.
