مصمم جرافيك – مصيرك ايه بعد الاربعين؟

graphic designer مصمم جرافيك

مصمم جرافيك – مصيرك ايه بعد الاربعين؟ جيت في يوم فكرت مهنتك كـ graphic designer هل هي مضمونه للدرجة.

هل لما يكون عندك ٤٠ سنه هتفضل في نفس وظيفتك ؟.

الاجابه هي اه هتلاقي ، وهتبقا مطلوب جداً كمان … بس في حالات معينه :

مبدئياً لازم تكون فاهم ان شغلانتك كـ graphic designer دي موهبه ووجودك في المجتمع بمسمى فنان، يعني مينفعش تتعامل اكنك موظف روتيني. طيب ايه لازمة الكلام دا ؟.

لازمته ببساطه انك لو متعاملتش مع نفسك انك موهبه ولازم تطور الموهبه دي هتكون حاصرت نفسك في دايرة الموظف.

ودي هتخلي عمرك المهني او الفني قصير . طيب ودا ايه علاقته بسؤال مصيرك ايه بعد ال ٤٠ ؟

تعالي نمشي خطوه خطوه وندي امثله .. ببساطة خلينا نقول انت لو حالياً junior وعندك ٢٢ سنه.

مطورتش من نفسك وعدى عليك سنه ورا سنه ومفيش اي skills معاك بتزيد.

وجيت عند ال ٣٥ سنه وانت يادوبك ابتديت تفوق وتطور نفسك ولسه بتحط رجلك في دايره الـ senior.

وتوصل وتعدي ال ٤٠ سنه وانت واقف مكانك وهوب حصل الي انت خايف منه شركتك قفلت.

او مشيت من الشركة ، او اياً كانت الطريقة الي خسرت بيها شغلك .

هنا يجي السؤال المهم ..

تفتكر انت لو creative director او صاحب شركه وبتعين حد. هل هتختار senior لسه بيقول يا هادي وهو عنده ٤٠هنا يجي السؤال سنه والا هتعين senior تحت ال ٢٨ سنه ؟.

يعني اعمل ايه عشان اشتغل وانا عندي ٤٠ سنه برضو لو شركتي قفلت ؟.

التطوير من نفسك ثم التطوير من نفسك. لازم تبقا علي درايه كامله بكل الي بيحصل جديد في مجالك يوم بيوم. اكيد لما تيجي تبص علي Design كان بيتعمل سنه ١٩٩٨ غير التصميم الي بتتعمل دلوقت.

كل يوم فيه فكر جديد بيتطور وطريقه شغل بتختلف لو فضلت واقف مكانك عمرك ماهتتحرك.

يعني لازم اكون creative director قبل ماتم ال ٤٠ سنه ؟

مش لازم تكون كدا بس علي الاقل تكون وصل ل art director شاطر جدا وبتشتغل بطريقه فكر مختلفه تلفت النظر والانتباه.

بس دايما لازم تحط لنفسك طموح اكبر من الي انت عايز توصله عشان تقدر توصل لاعلى مستوى في اسرع وقت.

الاهم من دا كله لازم تكون عارف كل job title من الي احنا قولناها دي مهامها ايه مش مجرد انك مغير اسم ال job title بتاعك على ال facebook او ال linkedin وانت واقعياً غير كدا.

دا كان الموضوع باختصار عن لو انت مصمم جرافيك – مصيرك ايه بعد الاربعين؟ وقريب هنتكلم عنه اكتر بالتفصيل

لو عايز تعرف شويه افكار تزود بيها دخلك ادخل هنا

احنا مجموعة شباب حبينا نشارك خبرتنا المتواضعة الي اخدنها من شغلنا المتواصل لسنين كتير في الديزاين والسوشيال ميديا.
احنا لسه بنبدأ وارد جداً تلاقي اخطاء كتير بنحاول قدر الامكان اننا منوقعش فيها ودايماً فاتحين المجال لاي تعديل واي افكار من متابعينا للمشاركه بيها في اي وقت.