معاني الالوان : الشعارات, اللوجو او الشعار الجيد بيعكس صوره المنتج او البراند الي بيمثله.
بمعنى انك مجرد ماتشوف اللوجو او الشعار هتعرف انه متعلق بالبراند الفلاني.
وفيه كتير من الشعارات او اللوجوهات ليها معنى خفي وغالبا بيكون بيحكي عن قصه الشركه او الخدمات الي هي بتقدمها او غيره.
ولكن اهم عناصر اللوجو او الشعار هو اللون
اللون عنصر مهم انه يدل على البراند بمعنى انك مجرد ما تشوف درجه اللون دي يجي في بالك فوراً البراند دا على سبيل المثال ستاربكس او شيكولاته كادبري، وفي نفس الوقت بتقدر انك تستهدف الفئه الي انت محتاجها اكتر عن طريق اللون المستخدم.
في المقاله دي ونحلل اكتر الشركات الكبيره واللوجوهات بتاعتها ازاي قدروا يوظفوها من ناحيه الالوان.
لون الشعار/اللوجو وربطه بالهوية
الربط بين اللون والهوية التجاريه قوي ، في باحثان في مجله اكاديميه علوم التسويق اسمهم Lauren Labrecque و George Milne لخصو الموضوع في سطر مهم اوي ، بيقولو ان
لون الشعار مثل الاسم التجاري المختار بعناية ، يحمل اللون معنى جوهريًا يصبح محوريًا في هوية العلامة التجارية ، ويساهم في التعرف على العلامة التجارية ، وينقل الصورة المطلوبة.
على سبيل المثال ، لما عملوا بحث لقوا ان ٧٥٪ من بطاقات الائتمان بيستخدموا اللون الازرق.
ويستخدموه ٢٠٪ من لوجوهات محلات الوجبات السريعه.
اما بقى اللون الاحمر استخدم ٠٪ من شعارات الملابس.
تحليل اللون الازرق علي سبيل المثال :
اللون الازرق دايماً بيبقي اختيار شائع ومعروف انه غير مؤذي، دايما بنلاحظ شركات الامن بتستخدمه او الشركات الي لها علاقه بالمالية او المحاماه او التقنيه او الصحه او التامين.
علم النفس والوان الشعارات:
المستحيل اننا نتكلم علي الوان اللوجو والعلامه التجاريه ومنذكرش علم نفس اللون، وهنا بيقوم بدور كشف العلاقه بين الاشكال والاستجابات او التفاعل البشري مع اللون.
الباحثين قالولك ان مينفعش تعتمد على لون يضمن نجاح علامتك التجاريه او شعارك ولكن اختيار اللون الخطأ بيسبب فرص فشل علامتك التجاريه اكتر.
يعني علي سبيل المثال لو استخدمت اللون الاحمر في الشعار بتاعك، هتلاقي ناس بأيد جدا الفكره وشايفينه لون جذاب.
ممكن ناس تانيه على حسب اختلاف الشخصيات هيكون اللون الاحمر بالنسبالهم بيدل على الدم والعنف.
تريند الشعارات
اللوجوهات او الشعارات مش محصنه زي ماناس كتير فاكرين ان مينفعش اغير اللوجو بتاعي عشان ميسببش تشتت للمستهلكين.
لكن بالعكس شركات كتير بمعدل كل ٥ سنين بيتم تعديل الشعارات بصوره بسيطه عشان تتماشى مع التريند الحالي.
ارتباطات الالوان
في الصوره دي هتعرف اكتر ارتباط الالوان ببعض المجالات.
دا كان موضوعنا عن معاني الالوان : الشعارات.
