معنى portfolio لو انت لسه مبتدأ في مجال الجرافيك ديزاين.
هتحتاج تعرف معنى portfolio، وازاي تحضر نفسك انك بعد ما اتمكنت كويس في التخصص الي انت اخترته انك تلاقي شغل.
بعد ماخلصنا اول خطوه في الفيديو الي فات.
والمفروض ان حضرتك تكون اتخصصت في حاجه وابتديت تتعلمها ايه المطلوب خلال المرحله دي.
علي سبيل المثال خلينا نقول انك قررت تتخصص في مجال الجرافيك ديزاين ايه المطلوب منك عشان تقدر تشتغل.
ذاكرت الفوتوشوب كويس هل دا كافي انك هتلاقي الشركات بتتلاهف عليك عشان تشتغل ، اكيد لسه شويه.
بما انك لسه في البدايه ومفيش اماكن اشتغلت فيها تقدر تقوي بيها السي في بتاعك فبالتالي نقطه قوتك الي هتقدر تعتمد عليها هي حاجه اسمها الـ portfolio.
ايه هو الـ portfolio وازاي تعمله ، ابسط مثال علي الـ portfolio ان هي الفاترينه بتاعتك الي بتعرض فيها اقوي شغل بيطلع منك عشان تبهر بيه الناس الي بتشوفها عشان تخش تشتري من عندك.
طيب هل اول تصميم اعمله هقدر انزله علي الـ portfolio دا ، اكيد لا واياك تعمل كدا.
عشان البورتفليو هي وجهتك واكيد انت مش هتبقي عايز الناس تاخد اول انطباع عن شغلك وافكارك انها مش قد كدا.
ايه الخطوات الي تقدر تطلع بيها شغل كويس تعرضه في البورتفليو بتاعك.
هتحتاج تعمل ريسيرش كتير ، طبيعي مش هيكون مطلوب منك شغل في الاول فبالتالي هتعمل متطلبات وهميه اكنها مطلوبه منك تشتغل عليها .
علي سبيل المثال ادخل شوف اخر اعلان لماكدونالز مثلا واعمل انت اعاده تصميم ليه بفكره جديده من عندك انت .
شوف اعلان لعصير زي جهينه واعمله بوست جديد وهكذا ..
مش اول حاجه هتطلع معاك هتقول هي دي وهنزلها ، طبيعي في مجالنا اول تجربه وتاني وتالت هتطلع معاك افكار وتنفيذ احسن .. متستعجلش.
وكلامي مش معناه انك تاخد ديزاين زي ماهو وتعدل عليه حاجه بسيطه متفرقش وتقول انت الي عامله، اكيد مش قصدي كدا.
هتبتدي تنزل desgins الي انت عملتها وشايف انها مناسبه علي الـ portfolio الي انت عملته .
ويعتبر بيهانس behance من افضل المواقع واشهرها في مجالنا الي بتلجا ليه كل الشركات عشان تختار مصممينها.
متنساش انك خلال الفتره دي المفروض انك بتعمل كذا حاجه في نفس الوقت ، بتتعلم وبتطور من نفسك وفي نفس الوقت بتبني البورتفليو بتاعك.
واكيد خلال الفتره دي خلال دايره علاقاتك لو ابتدي يجيلك شغل في صوره فري لانس freelance مترفضوش.
لو حاجه شايف انك قادر انك تعملها ، لانها هتديك خبره في التعامل مع العملاء او اشخاص تانيه في المجال .
كدا نكون عرفنا معنى portfolio.
الحلقه الجايه هنتكلم ازاي تلاقي شغل وازاي تختار مكان مناسب يطورك ويزود مهاراتك اكتر .
