لو انت جنيور جرافيك ديزاينر او لسه بادئ في مجال الجرافيك ديزاين من قريب لازم تبقى عارف معنى Teaser و Revealer .
هيقابلك كل يوم في الشغل او ممكن في المستقبل مصطلحات لازم تكون عارفها.
هتلاقي دايما المصطلحين دول بيجو هما الاتنين مع بعض.
اعرفهم ليه ؟:
لازم دايما تنمي مهاراتك مش بس من جانب الـ Tools كمان من المعلومات ومعرفه المصطلحات الي ممكن تقابلك كل يوم في المجال.
ودي دايما هدفنا اننا نوصلك اكبر كم من المعلومات الي تقدم تفيدك في حياتك اليوميه كجرافيك ديزاينر مبتدأ لو محترف.
بالذات لما تيجي تشتغل علي كامبين بعد ما بيتحدد الكونسبت والارت دايركشن بتاعهم الاول وهدفها ايه والخ طيب ايه معناهم ؟.
Teaser:
معناها بالعربي الاعلان التشويقي، ودا بيكون المرحله الاولى في الكامبين.
الي بيتم عمل فيه تصميم او اعلان بيلمح بس علي المنتج الي عايزين يعلنو عنه من غير مايتم كشف تفاصيل عن المنتج دا.
مع استخدام تاج لاين (رساله) يشجع الجمهور انهم يستنوا يعرفو التفاصيل اكتر .
حاجه كدا زي حمله الفنكوش في فيلم واحده بواحده لما فضلو يعلنو فتره عن منتج الفنكوش بدون كشف عن المنتج دا والناس بتسأل ومتشوقه تعرف الاعلان دا عباره عن ايه.
بغض النظر انهم مكنوش عارفين هيكون ايه.
Revealer:
هي مرحله الكشف.
الي بيتم الكشف عن تفاصيل الاعلان الي كان بيتم التلميح بس والتشويق له في الاول او في مرحله الـ Teaser.
ودا بيكون الجزء الاكبر الي بيكون فيه اكتر من اعلان او تصميم بتوضح تفاصيل المنتج دا وبيتم نشرها لفتره طويله.
تصميم او شكل الاعلان:
دايما الـ Look And Feel بتاع المرحلتين بيكون واحد من حيث الالوان والفكره والدايركشن.
بحيث انك لما تشوف اعلان الـ Teaser لوحده وبعدها بفتره تشوف اعلان الـ Revealer فتقدر تربط الاتنين مع بعض بسهوله وتعرف انها كامبين واحده.
