معنى UX/UI

المفهوم المغلوط عند ناس كتير

مصطلح او معنى UX/UI هو قديم، لكن شاع استخدامه وطلبه في الفتره الاخير وانتشر بشكل ملحوظ لكن للاسف مفهومه غلط عند ناس كتير.

قبل ماندخل في الموضوع خلينا نقول ان فيه ناس كتير في الوقت الحالي وبعد انتشار مصطلح UI/UX انه هو نفس web designer و web developer !.

المفهوم التاني ان الـ UI/UX هي شغلانه او مهمه واحده بس ان مش كل مصطلح فيهم بيعمل حاجه مختلفه.

والمفهوم مليون في الميه غلط تعالو نعرف الصح ايه وفين.

معنى UX/UI

اكيد وانت قاعد في مره مع صحابك في الشغل حد قال المصطلح دا او بتشوف عموماً قدامك كتير علي اليوتيوب او المواقع كلمه UX و UI .

طيب اكيد برضو في مره سمعت حد بيعمل الـ UX بتاع الـ product دا كويس .

ومره تانيه حد بيقول الـ UX بتاع الموقع دا ممتاز.

هتروح تسال نفسك هو الـ UX دا بتاع ايه بالظبط.!

طيب خلينا ندخل في الموضوع بالتفصيل ونعرف معنى UX/UI وازاي تقدر تكون مصمم UX/UI.

ايه الفرق بين UX/UI؟

تاني حاجه بعد ماعرفت معنى UX/UI لازم تكون عارف ان المصطلح عملياً ونظرياً موجود من زمان جداً لو مكنش قبل صناعة التكنولوجيا اساساً.

تصميم UX هو اختصار user experience design ومعناه بالعربي يعني تصميم تجربه المستخدم.

اما تصميم UI هو اختصار User interface design وهو معناه بالعربي تصميم واجهة المستخدم.

الاتنين مهمين جداً في تصميم اي منتج، والاتنين دايماً بيشتغلو سوا ودا سبب ان المصطلحين بنشوفهم دايماً مع بعض.

لكن بالرغم من كدا، فكل شغلانه من من المصطلحين دول ملهمش علاقة ببعض من الناحية المهنية.

اكيد لسه مش فاهم حاجه، خليني اشرحلك كل واحد لوحده اكتر عشان تبقى عارف الفرق كويس.

يعني ايه تصميم تجربة المستخدم (UX)؟

الـ UX باختصار هي تجربة الانسان الاولى في تصميم المنتجات.

فيه واحد ابن حلال وهو اول واحد طلع المصطلح دا في اواخر التسعينات اسمه Don Norman .

صاحب شركه اسمها the Nielsen Norman Group Design Consultancy.

والراجل دا اختصر موضوع الـ UX في كام كلمه هما:

“UX يشمل جميع جوانب تفاعل المستخدم النهائي مع الشركة وخدماتها ومنتجاتها.”.

يعني هو اي حاجه انت هتعملها المستخدم هيشوفها ويستعملها هتحتاج تعرضهاله بطريقه معينه تناسبه عشان يعرف يتعامل معاها.

طيب نوضح وندي امثله عشان نفهم اكتر ؟.

تعريف تاني بيقوله المعلم Don Norman ان الـ UX يشمل جميع تفاعلات العميل المحتمل والشركة.

كامثلة علمية بيتم تطبيقها في اي حاجه مثلاً:

• رف ايكيا الي بتعرض عليه منتجاتها.
• ارفف عرض موبايلات في المحلات.
• اماكن اعلانات في الاستاد.

وغيرهم من اي حاجه ممكن توصل بيها معلومه او تبيع منتج او شكل منتج معين هيتعامل معاه العميل المحتمل بتاعك.

وبينطبق الـ UX حتى على الحاجات الي مش متوقعها زي ماكينة القهوه ، السوبر ماركت.

هتقولي وانا مالي بالسوبر ماركت والقهوه والكلام دا ؟

هقولك دي حاجه انت هتتفاعل معاها زيها زي اي منتج، ولازم يكون الشخص الي هيتعامل مع المنتج دا تكون عامل حسابك هيتعامل معاه ازاي.

لما بتدخل سوبر ماركت بتشوف قدامك اول ماتدخل عروض الراجل صاحب السوبر ماركت او الشركه مخليها اول حاجه قدامك عشان تشتريها وتلفت نظرك.

طب وانت رايح تحاسب عند الكاشير مش بتشوف شويه شوكلاتات وحاجات ممكن تجيبها بشويه فكه ؟.

دي برضو عشان تلفت نظرك وانت ماشي وتاخدلك واحده والا اتنين وبكدا ييكون هو الي كسبان.

فهمت شويه ؟ نديلك مثال تاني ؟.

لو هنطبق مثال UX علي الديجيتال لو انت بتصمم موقع الكتروني ومحتاج تركيزك كله ان الي يدخل الموقع يسجل.

هل وانت بتصمم الموقع هيكون تركيزك على buttons غير الـ.sign up ؟.

والا هتحاول تبين الـ sign up button اكتر بطريقه تلفت الانتباه وجذابة عشان تحقق الي انت محتاجه ؟.

هنا بتكون مهمة الـ UX باختصار.

يعني ايه تصميم واجهة المستخدم (UI)؟

الاجابة هتكون معقدة شويه بالذات ان فيه ناس كتير جداً بتقدم تعريفات بس كلها مختلفه عن بعض.

ودا بيسببلك اختلاطات كتير وبيخيليك تفتكر في الاخر ان الـ UX/UI هي مهنه واحده.

الامر مختلف لكن خليني اديلك مثال ظريف هيبسطلك الامور شويه.

لما بتيجي تسمع اغنيه وتشوف التيم ورك الي اشتغل على الاغنيه دي بتلاقي فيه شخص واحد مكتوب جمبه ( كلمات والحان ).

هل الكلمات والالحان هي شغلانه واحده ؟ اكيد لا والا المهنه بتاعتها واحدها والا المهام بتاعتها.

لكن ببساطه الي الف الكلمات هو الي تخيل الحانها وهو بيالفها ف بالتالي قام بالمهمه دي.

بمعنى ايه ؟

بمعنى ان زي ماقولنا ان الـ UX هو الراجل الي بيحط كل حاجه في الاماكن المناسبه الي يقدر بيها يحقق غرض الشركه او صاحب المنتج في طريقه استعمال المنتج دا من قبل المستخدم.

الـ UI باختصار هو الراجل الي بيحول اقتراح الـ UX دا لحقيقه ، يعني تصميم الموقع بعد ماخرج من الراجل بتاع الـ UX.

وعمل الـ presentation بتاعته بعد ماشرح كل شغله واقتراحاته.

الراجل بتاع الـ UI بياخد الاقتراحات والشغل دا وبيبتدي يصمم كل الي قاله بطريقه تخدم الـ UX عن طريقه التصميم والالوان والصور وغيره.

وعشان كدا دايماً بنلاقي ان الـ. UX/UI بيجو دايماً جمب بعض لانهم بيكملو بعض.

والناس والشركات دايماً بتفضل ان الاتنين يكونو شخص واحد مش شخصين ، لان الموضوع تخيل تكاملي مابين المهنتين.

مهمة الـ UI كبيره ومهمه انه يقدر يسهل على المستخدم عرض اقتراح الـ UX بشكل بسيط وسهل ميخليش المستخدم يفكر كتير.

يعني مينفعش في الـ UX بيكون كل غرضك انك عايز تريح المستخدم وتسهله اختيارته او توجهه لحاجه معينه.

وتيجي في مرحله الـ UI تبوظ كل الخطه دي بشغل ميخدمش الـ UX اياً كان بالوان او تصميم مزعج للمستخدم.

ابتدت توضح معاك ؟ نختصر اكتر ؟

من الاخر تاني الـ UX بيحل مشاكل وخطوات التصميم الطويله برؤية تخدم المستخدم.

See also

الجرافيك ديزاين

ازاي تعدل على After effects template

هو بيحط الخطوط العريضه الي ليها معنى عشان الـ UI يشتغل عليها ويقدر يطلع التصميم بمواصفات الـ UX بشكل جمالي للمستخدم.

والكلام دا بينطبق على حاجات كتير مش منتجات الديجيتال بس.

مثال عاشر :

لو بنعمل موبايل ابلكيشن في مجال الطب والي هيستخدمه ناس كبيره في السن مهمه الـ UX هتكون ايه؟.

مهمته بناءً على ان الموبايل ابلكيشن دا هيستخدمه ناس كبيره في السن فبالتالي لازم يكون سهل الاستخدام.

ولازم المحتوى يكون حجمه مش صغير نظراً لاحتماليه ضعف نظرهم.

بالتالي هيقول ان الـ button الفلاني هيكون مكانه هنا وحجمه كذا.

دور الـ UI زي ما قولنا انه ينفذ مخطط الـ. UX بس بطريقه فنيه من ناحيه الالوان والصور وغيره.

مهام الـ UX وايه الشغل الي بينفذه:

باختصار فيه شويه حاجات الـ UX لازم يكون بدرايه بيها لانه هينفذها في شغله وهي

الاستراتيجيه والمحتوى:

• تحليل المنافسين
• تحليل العملاء ودراسه المستخدم
• استراتيجيه المنتج
• تطوير المحتوى

التخطيط :

• Wireframing
• Prototyping
• التنسيق مع الـ UI والمتابعه معاه

وطبعاً كل الي قولناه فوق دا بيطلع على هيئه presentation ولازم تكون واضح لاي كان العمل او الـ UI.

مهام الـ UI وايه الشغل الي بينفذه:

مادام انت designer الموضوع هيكون سهل بالنسبالك ، بس لازم تخلي بالك ان الـ UI مختلف لو انت social media designer او تصاميم كلها مطبوعات، هتحتاج تاخد فكره وتتفرج عن الـ UI designs قبلها.

شكل المنتج :

• Design research
• graphic development
• User guides and storylines

التنفيذ :

• UI prototyping
• Interactivity and animation
• device screen sizes
• Implementation with developer

دورك مهم جداً كا UI لان المنظر الي يهمه العميل بيطلع من عندك انت وهو الي هياخد رد فعله لانه دايما يهمه الشكل اكتر.

هنحاول في موضوع تاني نشرح بالتفصيل ازاي تتعلم وتعرف كل نقطه من النقاط دي.

دا كان موضوعنا عن معنى UX/UI

لو عايز تعرف يعني ايه storyboard ادخل هنا