هل مهنة تصميم الجرافيك جيده
يعتبر تصميم الجرافيك مهنه رائعه للناس الي بتحب الابداع وعندهم دايما افكار ابداعيه محتاجين انهم يطبقوها على ارض الواقع.
ودايما الجرافيك مطلوب في كل المجالات، لذلك مصممين الجرافيك دايما مطلوبين في جميع الشركات عشان يحققوا متطلبات كل سوق من الناحيه الابداعيه والتصميم.
ايه هي التوقعات المهنية لمصممين الجرافيك
تصميم الجرافيك اداه تسويقيه مهمه جدا، الطلب علي مصممين الجرافيك بيختلف على حسب الصناعة.
الجيد كمان ان تصميم الجرافيك نفسه متقسم تخصصات كتير جداً، منها
- مصممين التواصل الاجتماعي
- مصممين المواقع
- مصممين الاعلانات
- الرسامين
- مصمم الرسوم المتحركه
واكثر
ايه هي الخبرة الي محتاجها عشان تكون مصمم جرافيك
بعد ماتقرر التخصص بتاعك في تصميم الجرافيك هيكون ايه، هتحتاج تتقن البرامج بتاعت التخصص دي جداً.
حتى لو تبدأ بالعمل الحر في البدايه عشان يكون عندك خبره على الاقل سنه، وعشان تقدر يكون عندك portfolio مقبول.
تقدر تقدم بيه في الشركات وتعرف تلاقي شغل بسهوله.
ايه هي اكثر التخصصات طلباً في السوق
على حسب استطلاعات كتير اتعملت في سوق تصميم الجرافيك ان المصممين الاكثر طلباً في عام ٢٠١٩ هما
- مصمم المنتجات
- مصمم UX
- مصمم الجرافيك
- مصمم الحركه
المسميات الوظيفية للمصمم حسب الخبره
في بدايه طريقك كمصمم جرافيك هتبتدي بخبره علي الاقل سنه وهيكون وقتها المسمي الوظيفي بتاعك juinor.
بعد خبره مش اقل من ثلاث سنين ، هتكون senior .
وبعد خبرات متتاليه فتتنقل مابين art director , senior art director وبعد مراحل اكبر هتكون creative director.
مصمم الجرافيك بيتعامل مع مين
مصممين الجرافيك بيشتغلوا دايما مع كتاب المحتوى ومبرمجين المواقع لو كنت مصمم مواقع ، ومع المسوقين والعلاقات العامه ومع مدراء المشاريع.
كل دا بيتوقف علي حسب بيئه العمل
بالتأكيد خلال الفترة الاخيره ظهر اكثر من تخصص في مجال الجرافيك ديزاين.
ولكن في النهايه الامر يعود لك انت من ناحيه اختيار التخصص الي بتشوف فيه نفسك انك هتعرف تبدع فيه اكتر.
هل تصميم الجرافيك وظيفة كويسه
