افضل مواقع تصاميم فوتوشوب مجانيه.
هنتكلم عن افضل مواقع تقدر تنزل منها ملفات مفتوحه photoshop بشكل مجاني.
دايما بنحتاج في شغلنا ملفات مفتوحه تقدر تساعدنا بشكل سريع نقدر بيه ننجز شغلنا.
خلينا نبدا بالمواقع.
موقع 365psd :
دايما بينشر باستمرار ملفات psd عاليه الجوده لتحميلها، سواء كانت تصاميم مواقع او ايقونات وغيرها هتلاقيها علي الموقع دا .
موقع Brusheezy :
بيمتاز موقع Brusheezy انه مصدر اساسي وموقع دايما بيرجعله المصممين الي بيدورو علي ملفات مفتوحه مجانيه، علي انهم بيشتهرو بمكتبات فرش الفوتوشوب الخاصه بيهم، لكنهم برضو بيمتلكو مجموعه ضخمه بتوصل لاكتر من ٣٠٠ ملف مفتوح.
موقع Premium Pixels :
هو موقع ملك مصمم المواقع orman clark من افضل المواقع للناس الي بتدور علي تصاميم مفتوحه مجانيه.
هتلاقي ملفات بشكل كبير تقدر تساعدك في شغلك.
موقع Dribbble :
ناس كتير تعرف موقع dribbble وهو موقع حصري للمصممين الي بيشاركو شغلهم، وهتلاقي كتير منهم جدا بيشارك الملفات المفتوحه الخاصه بشغله.
تقدر تلاقيها عن طريق البحث في الموقع بسهوله.
موقع Freepik : مواقع تصاميم فوتوشوب مجانيه
من المواقع المعروفه، وهو محرك بحث بيساعد المصممين علي توفير الملفات المفتوحه بشكل مجاني ، الموقع بيقدم اكتر من مليون ملف تصميم بشكل مفتوح.
موقع Best PSD Freebies: مواقع تصاميم فوتوشوب مجانيه
موقع Best PSD Freebies موقع بيقدم تصاميم مجانيه مفتوحه وهو ملك المصمم الكندي مايكل رايمر.
موقع all free download: لتحميل تصاميم فوتوشوب مجانيه
من المواقع القديمه المعروفه بتقديم ملفات مفتوحه للفوتوشوب، يعتبر كنز وفيه ملفات كتير جدا وهتلاقي فيه الي هتحتاجه.
موقع officialpsds :
من المواقع الي هتفيدك بوجود صور متفرغه بدون خلفيه بشكل ملفات psd هتوفر عليك تقطيع الصور بشكل كبير.
موقع freebiesbug :
من المواقع المهمه وهتفيدك جدا لو بتدور علي ملفات مفتوحه بالذات لو ملفات موك اب، موقع متميز والملفات متاحه دايما باكتر من صيغه.
موقع freedesignfile:
من المواقع الي هتفيدك وهتلاقي عليها حاجات كتير زي البرشورات والفلايرات بشكل مجاني ومفتوح.
هيكون فيه جزء تاني بمواقع تانيه اكتر قريب ، تابعنا .
وبكدا يكون خلص موضوعنا عن مواقع تصاميم فوتوشوب مجانيه.
