هنقولك هنا على 4 خطوات سهلة لإنشاء Portfolio ناجح لو كنت graphic designer ومعندكش portfolio يبقى انت مفتقد تقريباً ٨٠٪ من نسبة حصولك علي وظيفة او شغل freeelance.
دايماً خلي في اعتبارك ان الـ portfolio بتاعك زيه زي الفاترينه في المحل الي بتعرض عليها كل منتجاتك عشان الناس تقدر تشتري منك.
لازم تعرض فيها احسن منتجاتك الي تخلي الـ client يتشد ويدخل يسال ويشتري.
لازم تكون مقتنع اقتناع تام ان الـ portfolio هيزيد فرصتك في نجاحك وانه امر لابد منه!.
واياً كان ان كان تخصصك graphic design او web design او 3d designer وغيره ..
فانت كدا كدا محتاج portfolio تعرض عليه شغلك.
طيب قبل ماندخل في الموضوع
لازم نحط كام حاجه في الاعتبار عشان نقدر نبني عليها portfolio ناجح:
المحتوى الي المفروض يكون موجود في الـ portfolio بتاعي.
١- طريقه وصف كل design في الـ. Portfolio.
٢- ايه هي الـ online platforms الي هيكون عليها الـ portfolio بتاعك.
٣- انه يكون سهل ومريح للعين.
٤- هتسوق الـ portfolio ازاي بعد ماتخلصه.
لو معاك اجابه كل سؤال من دول وقدرت تنفذهم بطريقه صح، حرفياً هتلاقي الـ Clients بتتسابق عليك.
١- اول نقطه واهم نقطه
ابتدي خد لفه في شغلك القديم والجديد واختار منه احسن شغل ممكن يكون في الـ portfolio بتاعك.
خلي بالك دايماً ان الجودة بتتفوق على الكمية، بمعنى انك مش لازم تختار ٥٠ تصميم وتقول دول كتير وبكدا هلفت الانتباه. غلط تماماً – دايماً الكواليتي هي الي بتشد وبتلفت الانتباه.
اختار الشغل الـ creative الي انت تعبت فيه وقضيت فيه وقت طويل عشان يطلع بالنضافه دي !
حاول تنوع في الشغل الي انت هتختاره، مثلاً بلاش ١٠ تصاميم هتنزلهم عن الاكل وتصميمن عن الرياضه.
حاول تنوع بالكتير اتنين من كل حاجه هتنزلها، دا بيديلك نقطه قوة ان دماغك شغاله باكتر من مجال، مش حاصر نفسك في دايره واحده بس.
٢- وصف كل design انت عامله.
مش معنى الكلمة دي انك تكتب موضوع تعبير عن كل تصميم انت عامله.
لكن المقصود بيها انك تكتب وصف بسيط وشرح ابسط عن الفكره وجتلك ازاي.
الوصف مش هيكون بس بالكتابه، الوصف هيكون بالـ materials الي انت استخدمتها في التصميم والـ stocks الي انت استخدمتها وغيره،
من ضمن الوصف لازم تذكر دورك في الـ design او الـ campaign دي كان ايه.
هل انت صاحب الفكره والتنفيذ؟ والا كان فيه Team معاك وكانت مهمته ايه؟.
طب اهميه النقطه دي ايه ؟ معظم الـ graphic designers للاسف بيكون غرضهم من عرض شغلهم انهم بيعملو show muscles مش انهم بيعملو porftolio يكون هدفه انه بيستهدف الـ clients.
وعلى فكره دا الغرض من انك تعمل porfolio، انسى فكره الـ show muscles دي خالص عشان دي دوامة مش هتطلع منها.
النقطه التانيه طريقة عرض الوصف والصور ومحتوي الـ portfolio بتاعك لازم تكون منظمه ومعروضه بشكل مريح للعين وللي بيشوفه، وحاول تكون طريقه professional على قد ماتقدر.
اهتم بالـ Mockups على قد ماتقدر بتدي شكل more professional.
٣- ايه هي الـ online platforms الي هيكون عليها الـ portfolio بتاعك؟
خلاص اخترت شغلك الي هيكون في الـ portfolio ووصف كل design او campaign معاك؟.
خلينا نروح للخطوة الي بعدها وهي الـ online platforms الي هيكون عليها الـ portfolio الي انت جهزته.
اكيد الخطوة الي بعد كدا هي انك هتحتاج مكان تقدر تعرض عليه شغلك.
ويكون معاك URL تقدر تبعته لغيرك لو اتطلب منك انك تعرض شغلك.
مش هيكون الغرض منه مجرد URL بس تبعته لغيرك هيكون هو دا الفاترينه الي احنا قولنا عليها في الاول الي تقدر تعرض عليها شغلك وتجذب الـ Client ليك.
هنقولك على اختيارين هيكون واحد منهم بمقابل مادي والتاني مجاني.
الطريقة الاولى personal website:
الفكره ممتازة لو انت محتاج واجهه ليك تكون more professional ومختلفه عن غيرك.
معظم الـ.designers بيتجهوا اكتر للاختيار المجاني، شئ كويس انك تكون مختلف وعارض نفسك بطريقة مختلفه.
لو انت web designers الموضوع هيكون بالنسبالك سهل تنفيذه وهيكون اقل تكلفه او حتى لو عندك خلفيه بسيطه عن الـ web design والـ wordpress.
لو لا، هيكون الموضوع مكلف بالنسبالك الى حداً ما ، بس مش زي مانت متخيل، مش الوفات الالوفات يعني.
الطريقة الثانية hosted portfolio:
الفكرة التانيه والمنتشره اكتر من الاولى الـ hosted portfolio، والمقصود بيها ان المواقع دي بتقدملك خدمه انك تعمل portfolio عندهم بشكل مجاني.
١- Behance
الموقع الاكثر شهره خلال السنين الي فاتت، الموقع ملك شركة Adobe.
الموقع بيزوره ملايين شهرياً، وغالباً اول موقع الشركات بتدخل عليه عشان تختار designer ينفذلها شغلها. او حتى لو محتاجه designer بشكل full time.
٢- Dribbble
من اكبر المواقع شهره، الموقع بينفذ نفس مهمه موقع Behance وبيتضمن اكتر من حاجه في نفس الوقت هي عرض الـportfolio بتاعك وفرص وظائف للمصممين.
٣- DeviantArt
من اول واقدم المواقع في فكره عمل portfolio اونلاين، بيضم اكتر من 32 مليون عضو مسجل.
٤- تسويق الـ portfolio الخاص بيك:
دلوقت بقا معاك URL تقدر تبعته للعملاء بتوعك الحاليين او السابقين، او حتى الشركات الي بتدور على وظايف.
فيه حاجه اضافيه هتكون ممتازة لو قدرت تعملها لو عملت facebook page او instagram profile تقدر تنزل عليه شغلك من خلال URL الخاص بالـ portfolio الي احنا عملناه.
خلي بالك دايماً ان الـ portfolio هو بداية التسويق لنفسك.
هياخد وقت شوية متزهقش، وحاول على قد ماتقدر تديله من وقتك عشان يطلع حاجه تقدر تعتمد عليها انها تكون سبب لمصدر دخل ليك عن طريق تسويقك ليه.
كدا بنكون خلصنا الـ 4 خطوات سهلة لإنشاء Portfolio ناجح.
